Ֆուտբոլի Չեմպիոնների լիգայում երկու հանդիպումով մեկնարկել է քառորդ եզրափակիչը։ Մյունխենի «Բավարիան» առաջին խաղում 2։1 հաշվով արտագնա հաղթանակ է տարել Մադրիդի «Ռեալի» նկատմամբ։
Գերմանական ակումբից աչքի են ընկել կոլումբացի վինգեր Լուիս Դիասը և անգլիացի հարձակվող Հարի Քեյնը, իսկ «Ռեալի» կազմում խաղի հաշիվը 76-րդ րոպեին կրճատել է ֆրանսիացի գոլահար Կիլիան Մբապեն։
«Բավարիան» Չեմպիոնների լիգայում «Ռեալին» նախորդ անգամ հաղթել էր 2012 թվականին։
Օրվա մյուս խաղում Լոնդոնի «Արսենալը» Լիսաբոնում նվազագույն հաշվով հաղթել է պորտուգալական «Սպորտինգին»։ Հյուրերի հաղթական գոլն ավելացված ժամանակում խփել է գերմանացի հարձակվող Կայ Հավերցը։
Այս զույգերի պատասխան հանդիպումները կկայանան ապրիլի 15-ին։
