27.07.2026 | 19:08
Մ-17 ԱԱ․ Արարատ Ավետիսյանը և Վազգեն Մնացականյանը բրոնզե մեդալի համար կգոտեմարտեն Բաքվում
Ռուսաստանը և Չինաստանը խափանել են ՄԱԿ-ի ԱԽ-ի բանաձևը Հորմուզի նեղուցի վերաբերյալ
Քաղաքականություն
07.04.2026 | 23:00
Ռուսաստանը և Չինաստանը խափանել են ՄԱԿ-ի ԱԽ-ի բանաձևը՝ Հորմուզի նեղուցի հարցով։ Բահրեյնի առաջարկած բանաձևի նախագծում նշվում էր ծովային ուղիների ազատությունը պաշտպանելու անհրաժեշտությունը կարևոր առևտրային նավահանգիստների համար, սակայն նախագծի ընդունումը ձախողվել է ԱԽ-ում Ռուսաստանի և Չինաստանի վետոյի պատճառով։ Նրանք հայտնել են, որ պատրաստվում են ներկայացնել իրենց սեփական փաստաթղթային նախագիծը։
ՄԱԿ-ում Ռուսաստանի ներկայացուցիչ Վասիլի Նեբենզյան նշել է, որ Մոսկվան «չկարողացավ աջակցել այն տեքստին, որը կարող էր վտանգավոր նախադեպ ստեղծել միջազգային իրավունքի համար»։ Չինաստանի ներկայացուցիչ Ֆու Ցունը հայտարարել է, որ Բահրեյնի բանաձևը Հորմուզի նեղուցի վերաբերյալ «պարունակում է կողմնակի դատապարտող դիրք և ներկայացնում է ճնշում գործադրելու փորձ»։ Նա հավելել է, որ «քաղաքակրթությունը ոչնչացնելու» մասին ԱՄՆ-ի սպառնալիքների ֆոնին փաստաթուղթը կդառնար սխալ ազդանշան։
Բահրեյնի ԱԳ նախարար Աբդուլլաթիֆ բին Ռաշիդ Ալ-Զայանին մտահոգություն է հայտնել ԱԽ-ում քվեարկության արդյունքների կապակցությամբ․ «Բանաձևը չընդունելու որոշումը աշխարհի ժողովուրդներին հղում է սխալ ազդանշան, որ միջազգային ջրային ուղիներին սպառնալիքները կարող են մնալ անպատիժ»,- նշել է նա։ Դիվանագետի խոսքով՝ բանաձևի նախագծում նաև կային կոչեր Իրանին՝ կատարելու իր միջազգային պարտավորությունները և դադարեցնելու հարձակումները հարևան երկրների վրա։
