27.07.2026 | 21:00
ՔՆՆԱՐԿՈւՄ․ Զբոսաշրջիկների ռեկորդային հոսք ՀՀ 6 ամսում․ ի՞նչ խնդիրներ և առավելություններ են ի հայտ եկել․ ՏԵՍԱՆՅՈՒԹ
Վլադիմիրի մարզում ուկրաինական անօդաչու թռչող սարքի հարձակման հետևանքով 3 անձ է զոհվել
Քաղաքականություն
07.04.2026 | 16:17
ՌԴ Վլադիմիրի մարզի Ալեքսանդրովսկի շրջանում ուկրաինական անօդաչու թռչող սարքի հարվածից 3 քաղաքացիական անձ է զոհվել՝ ամուսիններ և նրանց 12-ամյա երեխան, հայտնել է նահանգապետ Ալեքսանդր Ավդեևը, գրում է Meduza-ն ։
Նա ասել է, որ անօդաչու թռչող սարքերից մեկը հարվածել է երկբնակարան շենքին։ Ավդեևի խոսքով՝ մահացած զույգն ուներ նաև հինգ տարեկան դուստր, որն այժմ հարազատների մոտ է։ Հարձակումից հետո բռնկված հրդեհը մարվել է։
Ուկրաինական անօդաչու թռչող սարքերը հարվածել են նաև Վորոնեժի և Լենինգրադի մարզերին։
Վորոնեժի մարզում, նահանգապետ Ալեքսանդր Գուսևի խոսքով, գիշերը հայտնաբերվել և ոչնչացվել է 16 անօդաչու թռչող սարք։ 40-ամյա մի տղամարդ վիրավորվել է խոցված անօդաչու թռչող սարքի բեկորներից։
Լենինգրադի մարզում խոցվել է առնվազն 22 ուկրաինական անօդաչու թռչող սարք։ Այս մասին հայտարարել է նահանգապետ Ալեքսանդր Դրոզդենկոն։ Նա չի մանրամասնել հարձակումների հետևանքների մասին։ Astra-ն հաղորդում է, որ անօդաչու թռչող սարքերը ամբողջ գիշեր հարձակվել են Ուստ-Լուգա նավահանգստի վրա, որի միջոցով Ռուսաստանը նավթ է արտահանում։ Վերջին երկու շաբաթների ընթացքում այն բազմիցս ենթարկվել է ուկրաինական անօդաչու թռչող սարքերի հարձակումներին։
Թարգմանությունը`Էմմա Չոբանյանի
