Քաղաքականություն
07.04.2026 | 13:28
Պերմի երկրամասի Դոբրյանկա քաղաքի թիվ 5 դպրոցում իններորդ դասարանի 17-ամյա աշակերտը դանակով հարձակվել է ուսուցչի վրա, գրում է Meduza-ն՝ շրջանի ղեկավար Դմիտրի Մախոնինին հղումով։
Հարձակումը տեղի է ունեցել դպրոցի մուտքի մոտ։ Ուսուցչուհին տեղափոխվել է հիվանդանոց, որտեղ մահացել է ստացած վնասվածքներից։ «Ցավոք, չնայած բժիշկների բոլոր ջանքերին, Դոբրյանկայի թիվ 5 դպրոցի ռուսաց լեզվի և գրականության ուսուցչուհի Օլեսյա Պետրովնա Բագուտային փրկել չի հաջողվել», – ասել է Մանոխինը։
Հարձակման դրդապատճառն անհայտ է։ Աշակերտը տեղափոխվել է տեղի ոստիկանական բաժանմունք, և նրա դրդապատճառները հետաքննվում են, հայտնում է շրջանի ՆԳՆ-ն։
Mash, Shot և այլ տելեգրամ ալիքները հաղորդում են, որ խոսքը ռուսաց լեզվի և գրականության 55-ամյա ուսուցչի մասին։
Քաղաքային շրջանի ղեկավար Դմիտրի Անտոնովը գրում է, որ իններորդ դասարանի աշակերտը գրանցված է ոստիկանությունում ևմի քանի անգամ մնացել է նույն դասարանում։
Թարգմանությունը`Էմմա Չոբանյանի
