27.07.2026 | 18:08
Ընտրությունների մասնակցելու համար ՀՀ ժամանած քանի քաղաքացի է ստացել վարժական հավաքների ներկայանալու ծանուցագրեր
Համլետ Մանուկյանը՝ աշխարհի գավաթի հաղթող, Արթուր Ավետիսյանը՝ արծաթե մեդալակիր․ ՏԵՍԱՆՅՈՒԹ
06.04.2026 | 10:26
Համլետ Մանուկյանը դարձել է Եգիպտոսի մայրաքաղաք Կահիրեում անցկացվող սպորտային մարմնամարզության աշխարհի գավաթի խաղարկության չորրորդ փուլի հաղթող։
Նժույգ թափեր վարժության եզրափակիչում Հայաստանի ներկայացուցիչն առաջին տեղն է գրավել 14.800 միավորով։
Հայաստանի մյուս ներկայացուցիչ Մամիկոն Խաչատրյանը հավաքել է 14,533 միավոր ու զբաղեցրել չորրորդ տեղը։
Արթուր Ավետիսյանն արծաթե մեդալակիր է դարձել օղակների վարժությունում՝ հավաքելով 14.300 միավոր։ Առաջին տեղը գրաված հույն Էլեֆտերիոս Պետրոունիասը գրանցել է 14.366 միավոր։
Արթուր Դավթյանը 13.833 միավորով գրավել է չորրորդ տեղը։ Օլիմպիական խաղերի արծաթե ու բրոնզե մեդալակիր, աշխարհի չեմպիոն, Եվրոպայի եռակի չեմպիոն Արթուր Դավթյանը հանդես կգա նաև հենացատկի վարժության եզրափակիչում։
Հիշեցնենք, որ փետրվարին հայ մարմնամարզիկները մասնակցել էին Գերմանիայում կայացած աշխարհի գավաթի խաղարկության առաջին փուլին, այնուհետև բաց էին թողել հաջորդ երկու փուլերը, որոնք տեղի էին ունեցել Թուրքիայում ու Ադրբեջանում։
