03.04.2026 | 22:27
Թրամփը խնդրել է ռեկորդային 1.5 տրիլիոն դոլարի ռազմական բյուջե՝ սոցիալական ծրագրերի կրճատման հաշվին
Ղրիմում ռուսական Սու-30 կործանիչ է կործանվել
Քաղաքականություն
03.04.2026 | 16:06
Ռուսաստանի պաշտպանության նախարարությունը հայտնել է, որ Ղրիմում կործանվել է Սու-30 կործանիչ, անձնակազմը հասցրել է կատապուլտացվել է, գրում է Ինտերֆաքսը։
«Այսօր, Մոսկվայի ժամանակով մոտավորապես ժամը 11:00-ին, Ղրիմի Հանրապետությունում պլանային ուսումնական թռիչքի ժամանակ կործանվել է Սու-30 ինքնաթիռ։ Ինքնաթիռը թռչում էր առանց զինամթերքի»,- հայտարարել է Ռուսաստանի պաշտպանության նախարարությունը։
Նշվում է, որ անձնակազմը կատապուլտացվել է և տարհանվել ցամաքային որոնողական-փրկարարական խմբի կողմից։ Օդաչուների կյանքին վտանգ չի սպառնում։
Հիշեցնենք, որ օրերս Ղրիմում կործանվել էր Ան-26 ռազմական տրանսպորտային ինքնաթիռ, որի հետևանքով 29 մարդ էր զոհվել։
Կործանված Ան-26 ինքնաթիռում, ենթադրաբար, եղել է նաև Հյուսիսային նավատորմի ավիացիայի հրամանատար, գեներալ-լեյտենանտ Ալեքսանդր Օտրոշչենկոն։
Թարգմանությունը` Էմմա Չոբանյանի
