22.05.2026 | 11:37
Անդրանիկ Թևանյանի գործով ԿԸՀ-ն միջնորդություն չի ստացել․ պատգամավորի թեկնածուն անձեռնմխելիություն ունի
Պենտագոնի ղեկավարը հեռացրել է բանակի գլխավոր գեներալին
Քաղաքականություն
03.04.2026 | 11:41
ԱՄՆ Պաշտպանության նախարար Փիթ Հեգսեթը բանակի շտաբի պետ, գեներալ Ռենդի Ջորջին և երկու այլ զինվորական ղեկավարների խնդրել է թողնել իրենց պաշտոնները։ Այս տեղեկությունհը Axios-ին հաստատել են պաշտպանության ոլորտի երկու պաշտոնյաներ։
Ջորջը բանակի ամենաբարձրաստիճան գեներալն է և պաշտոնանկ է արվում Իրանի պատերազմի ժամանակ։ Axios-ը չի կարողացել պարզել նրա պաշտոնանկության պատճառները, որոնց մասին առաջին անգամ հայտնել էր CBS-ը։ Գեներալ Դեյվիդ Հոդնը և գեներալ-մայոր Ուիլյամ Գրին կրտսերը ազատվել են իրենց պաշտոններից, հինգշաբթի երեկոյան հաստատել է պաշտպանության նախարարության պաշտոնյան։
Ջորջը իր կարիերան սկսել է որպես հետևակային սպա և մասնակցել է «Անապատի վահան» և «Անապատի փոթորիկ» գործողություններին։ Նա նախկինում ծառայել է որպես բանակի շտաբի պետի տեղակալ։ Հոդնին ծառայել է որպես բանակի վերափոխման և վարժանքների հրամանատար, իսկ Գրինը ղեկավարել է հոգևորականների կորպուսը։
Պենտագոնի խոսնակ Շոն Փարնելը հինգշաբթի կեսօրին X գրառման մեջ հաստատել է Ջորջի պաշտոնանկության լուրը՝ մաղթելով նրան հաջողություններ թոշակի անցնելու կապակցությամբ։
Նշվում է, որ գեներալ Քրիստոֆեր Լանևը, որը նախկինում Հեգսեթի օգնականն էր, կծառայի որպես բանակի շտաբի պետի ժամանակավոր պաշտոնակատար։
Թարգմանությունը` Էմմա Չոբանյանի
