05.06.2026 | 22:40
Ընտրություններից առաջ Հայաստան ժամանած ՀՀ քաղաքացիների թիվը ավելի քիչ է, քան նախորդ տարի
Ինդոնեզիայում 7.4 մագնիտուդով երկրաշարժ է տեղի ունեցել
Քաղաքականություն
02.04.2026 | 13:51
Ինդոնեզիայի Տերնատե կղզու մոտ հինգշաբթի վաղ առավոտյան տեղի է ունեցել 7.4 մագնիտուդով երկրաշարժ, որի հետևանքով զոհվել է առնվազն մեկ մարդ։ Երկրաշարժը, որը տեղի է ունեցել տեղական ժամանակով ժամը 06:48-ին (22:48 GMT) 35 կմ խորության վրա, գրում է BBC-ին։
Ինդոնեզիայի ազգային Antara լրատվական գործակալությունը հաղորդել է, որ Հյուսիսային Սուլավեսիում 70-ամյա մի կին է մահացել շենքից բեկորներ ընկնելու հետևանքով, մեկ այլ անձ կոտրել է ոտքը՝ շենքից ցատկելուց հետո։
Ցունամիների նախազգուշացման կենտրոնը սկզբում զգուշացրել էր, որ Գուամի, Ճապոնիայի, Մալայզիայի, Պապուա Նոր Գվինեայի, Ֆիլիպինների և Թայվանի ափերին հնարավոր են ալիքներ: Ցունամիի մասին նախազգուշացումը հանվել է երկու ժամ անց։
Երկրաշարժից հետո գրանցվել է երկու ուժեղ հետցնցում՝ 5.5 և 5.2 մագնիտուդով։
Թարգմանությունը՝ Էմմա Չոբանյանի
