03.04.2026 | 23:13
NASA-ն հրապարակել է Երկրի նոր լուսանկարը
Հայտնի է Արման Ծառուկյանի հաջորդ մրցակիցը RAF-ում
02.04.2026 | 10:55
UFC-ի թեթև քաշային կարգի դասակարգման երկրորդ համար Արման Ծառուկյանը RAF (Real American Wrestling) լիգայում հաջորդ մենամարտը կանցկացնի ապրիլի 18-ին, հաղորդում է մրցաշարի մամուլի ծառայությունը։
Ֆիլադելֆիայում կայանալիք RAF 08 մրցաշարում հայ մարտիկն ուժերը կչափի ամերիկացի Յուրայա Ֆայբերի հետ։ Մարտիկներն ազատ ոճի ըմբշամարտի կանոններով կմրցեն միջին քաշային կարգում (79 կգ)։
46-ամյա Ֆայբերը խառը մենամարտերում հանդես է եկել 2003-2019 թվականներին, տարել է 35 հաղթանակ ու կրել 11 պարտություն։ Նա եղել է UFC-ի տիտղոսի հավակնորդ, բայց չորս անգամ պարտվել է չեմպիոնական մենամարտերում։
29-ամյա Ծառուկյանը RAF-ում առաջին մենամարտն անցկացրել էր հունվարի 10-ին՝ ժամկետից շուտ 10։0 հաշվով հաղթելով 38-ամյա ամերիկացի Լենս Փալմերին։ Այնուհետև նա մարտին երկու անգամ հաղթել էր ամերիկացի ըմբիշ և բլոգեր Ջորջիո Պուլասին (5։3, 9։3)։
Արման Ծառուկյանը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։ Հայաստանի ներկայացուցիչը հաջորդ մենամարտն անցկացնելու է ապրիլի 8-ին բրազիլական Սան Պաուլուում կայանալիք Hype FC լիգայում՝ գրեփլինգի կանոներով մրցելով ամերիկացի Դիլոն Դենիսի հետ։
