Մենք լիովին հանգիստ ենք վերաբերվում․ Պուտինը՝ ՀՀ-ԵՄ մերձեցման մասին. ՏԵՍԱՆՅՈՒԹ

«Ռուսաստանը ըմբռնումով է մոտենում  Հայաստանի ներքաղաքական զարգացումներին նախընտրական քարոզարշավի ընթացքում, բայց հույս ունի, որ դրանք չեն խանգարի երկու երկրների միջև հարաբերություններին»,- այս մասին հայտարարել է Ռուսաստանի նախագահ Վլադիմիր Պուտինը ՀՀ վարչապետ Նիկոլ Փաշինյանի հետ հանդիպման ժամանակ։

«Մենք տեսնում ենք, որ Հայաստանում ներքաղաքական գործընթացները թափ են հավաքում, և շուտով ընտրություններ են։ Գլխավորն այն է, որ այս ներքաղաքական գործընթացները, և դրանք միշտ սրվում են ցանկացած ընտրարշավի ժամանակ, որպեսզի այս սրացումները, վստահ եմ, որ նույն բանն է տեղի ունենում նաև Հայաստանում, ինչպես Ռուսաստանում և այլ երկրներում, ոչ մի կերպ չվնասեն մեր հարաբերություններին», – ասել է ՌԴ նախագահը։

Նա հայտարարել է, որ Ռուսաստանը հանգիստ է վերաբերվում Հայաստանի և Եվրամիության հարաբերությունների զարգացմանը, սակայն Երևանը չի կարողանա միաժամանակ լինել երկու մաքսային միությունների անդամ։

«Մենք տեսնում ենք, որ Հայաստանը քննարկում է Եվրամիության հետ հարաբերությունների զարգացման հարցը։ Մենք բացարձակ հանգիստ ենք այս հարցում։ Մենք հասկանում ենք, որ ցանկացած երկիր ձգտում է առավելագույն օգուտ քաղել երրորդ երկրների հետ համագործակցությունից։ Բայց սա պետք է ակնհայտ լինի, պետք է անկեղծորեն, անմիջապես ասվի, այսպես ասած՝ Եվրամիության և ԵՏՄ-ի հետ մաքսային միության մեջ լինելը անհնար է։ Դա պարզապես անհնար է , ըստ սահմանման։ Եվ սա նույնիսկ քաղաքական հարց չէ, այլ զուտ տնտեսական», – նշել է Պուտինը։

Թարգմանությունը` Էմմա Չոբանյանի