19.12.2025 | 16:49
Ինձ չեն ստիպել, ես եմ դիմում գրել, դուրս եկել. Աղազարյանի որդին՝ ՔՊ-ից և աշխատանքից դուրս գալու մասին․ ՏԵՍԱՆՅՈՒԹ
Արցախի պաշտպանության բանակում հրամկազմի մասնակցությամբ քննարկում է անցկացվել
17.11.2018 | 13:15
Նոյեմբերի 16-ին Պաշտպանության բանակի հրամանատար Լևոն Մնացականյանի նախագահությամբ անցկացվել է բանակի ռազմական խորհրդի նիստ՝ նվիրված միավորումների և զորամասերի կազմակերպչական-հաստիքային կառուցվածքին, զորահավաքային ռեսուրսների վիճակին, զորքերի պատրաստության ծրագրի համապատասխանությանը՝ ներկայացվող պահանջներին, ինչպես նաև նշված ոլորտներում առկա խնդիրներին:
Բանակի հրամանատարի ներածական խոսքին հաջորդել են աշխատակարգով նախատեսված ելույթները, որոնք վերաբերում էին
- միավորումների և զորամասերի կազմակերպչական ու հաստիքային կառուցվածքին,
- զորահավաքային ռեսուրսների կցագրմանն ու ուսումնասիրմանը,
- դրանց կառավարմանը,
- լրահամալրման պլանավորման վիճակին,
- կազմհաստիքային կառուցվածքի համաձայն՝ սպառազինության և ռազմական տեխնիկայի վերաբախշման ընթացքին,
- հաշվառման կազմակերպմանը,
- հարակից այլ թեմաների:
Ամփոփելով արդյունքները՝ Լևոն Մնացականյանը հանձնարարել է ներկա սպայակազմին, ըստ գործառութային պարտականությունների, ռազմական խորհրդի որոշման դրույթները ընդունել իգիտություն և դրանք հաշվի առնել հետագա ծառայության ընթացքում:
