26.10.2026 | 13:16
Ռուսական զորքերը հարվածել են Զապորոժիեին․ կան վիրավորներ
Հայտնի բլոգեր 222LAVA-ի բնակարանի կողոպուտից հետո դեպքի վայրը չպահպանելու համար երկու ոստիկան կարգապահական տույժի է ենթարկվել
Հասարակություն
30.03.2026 | 15:53
2026-ի տարեսկզբին բլոգեր 222LAVA-ի բնակարանի կողոպուտից հետո ՆԳՆ ներքին անվտանգության և հակակոռուպցիոն վարչությունում ծառայողական քննություն է սկսվել՝ դեպքի վայրը չպահպանելու համար: Այս մասին հայտնում են իրավապահ համակարգում Factor TV-ի աղբյուրները:
Ոստիկանությունից միայն հաստատում են, որ իրականացված ծառայողական քննության արդյունքում մասնագիտական պարտականությունները ոչ պատշաճ կատարելու համար երկու ծառայողի նկատմամբ կիրառվել է կարգապահական տույժ։
Նշենք, որ բլոգերի բնակարանը թալանելու մասին հայտնի դառնալուց հետո ֆոտոլրագրող Գագիկ Շամշյանն անարգել կարողացել էր մուտք գործել բլոգերի բնակարան ու մանրամասն ցուցադրել, թե ինչ է այնտեղ կատարվում թալանից հետո: Հենց այս հանգամանքն է ծառայողական քննություն սկսելու պատճառ դարձել:
Տեսանյութում երևում է, որ ներսում ոստիկանության ծառայողներ կան: Վերջիններս բնակարանի անձեռնմխելության իրավունքը խախտող տեսանյութի նկարահանումը խափանելու փոխարեն ընդհուպ բարևում են լրագրողին, իսկ ծառայողներից մեկն էլ, որն, ամենայն հավանականությամբ, քննիչ է, հորդորում է բնակարանում որևէ առարկայի ձեռք չտալ:
Արաքս Մամուլյան
