24.04.2026 | 20:30
Թբիլիսիի Խոջիվանքի պանթեոնում ոգեկոչել են Հայոց ցեղասպանության զոհերի հիշատակը
Ռոբերտ Քոչարյանը լավ կլինի սուս մնա, նստի իր տեղը և ավել-պակաս բաներ չխոսա․ ՔՊ-ական․ ՏԵՍԱՆՅՈՒԹ
Քաղաքականություն
27.03.2026 | 13:03
«Բավականին բարդ է Հայաստանի երկրորդ նախագահի աթոռը զավթած անձնավորության դատարկաբանություններին արձագանքելը»,- այս մասին խորհրդարանական ճեպազրույցների ժամանակ հայտարարեց ՔՊ խմբակցության քարտուղար Արթուր Հովհաննիսյանը՝ անդրադառնալով Ռոբերտ Քոչարյանի հետևյալ հայտարարությանը․
«Ինձ համար պարզ է՝ ինչու Նիկոլ Փաշինյանը չի ուզում խաղաղության երաշխիքներ։ Ինքն ուզում է այնպիսի խաղաղություն, որը կապվի միայն իր անվան հետ։ Իրականում մեզ պետք է խաղաղություն, որը կապված չէ որևէ մեկի հետ, այլ ունի երաշխավորներ»։
Հովհաննիսյանի խոսքով՝ Հայաստանի Հանրապետությունն ունի խաղաղություն, և այդ խաղաղությունը պետք է ամեն կերպ ամրացնել և պահպանել։
«Խաղաղությունը Հայաստանի Հանրապետության ժողովրդինն է։ Ռոբերտ Քոչարյանը սա լավ չի հասկանա, որովհետև Ռոբերտ Քոչարյանը ոչ մի օրգանական և բնական կապ չունի հայ ժողովրդի հետ։ Դա ցույց է տալիս իր անցած կյանքը, իր գործողություններն ու որոշումները, նրա օրոք Հայաստանի Հանրապետությունում տեղի ունեցած իրադարձությունները՝ Հոկտեմբերի 27-ը, Մարտի 1-ը, Պողոս Պողոսյանի սպանությունը, ընտրությունների կեղծումը, ժողովրդին ծեծելը փողոցներում ամեն ընտրական պրոցեսից հետո։
Դրա համար լավ կլինի սուս մնա և հանգիստ նստի իր տեղը և ավել-պակաս բաներ չխոսա Հայաստանի երկրորդ նախագահի աթոռը զավթած անձնավորությունը»,-նշեց նա։
Մանրամասները՝ տեսանյութում։
