28.02.2026 | 19:04
ՀՀ քաղաքացիներին հորդորում ենք պահպանել անվտանգության կանոնները և հետևել պաշտոնական ցուցումներին. Քուվեյթում ՀՀ դեսպանատուն
Էդուարդ Սպերցյանի գոլն օգնեց «Կրասնոդարին» հաղթել «Ռոստովին»․ ՏԵՍԱՆՅՈՒԹ
28.02.2026 | 17:48
Ձմեռային ընդմիջումից հետո մեկնարկել է Ռուսաստանի Պրեմիեր լիգան, իսկ գործող չեմպիոն «Կրասնոդարի» ավագ Էդուարդ Սպերցյանը գոլի հեղինակ դարձավ առաջին խաղում։
Առաջնության 19-րդ տուրում «Կրասնոդարը» սեփական խաղադաշտում 2։1 հաշվով հաղթեց «Ռոստովին»։ Հանդիպման հաշիվը 8-րդ րոպեին բացեց Էդուարդ Սպերցյանը։ Հայաստանի ազգային հավաքականի կիսապաշտպանը մրցակցի դարպասը գրավեց 11-մետրանոց հարվածով։
25-ամյա Սպերցյանը մասնակցեց ամբողջ հանդիպմանը։ Հայաստանի հավաքականի նախկին կիսապաշտպան Խորեն Բայրամյանը «Ռոստովի» կազմում փոխարինման դուրս եկավ 83-րդ րոպեին։
Ռուսաստանի ընթացիկ առաջնությունում Էդուարդ Սպերցյանը մասնակցել է 19 հանդիպման, դարձել 9 գոլի ու 12 գոլային փոխանցման հեղինակ։ «Կրասնոդարը» 43 միավորով առաջին տեղում է։
