06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
«Միասնության թևեր»-ն ու «ՀայաՔվե»-ն համագործակցության հուշագիր են ստորագրել
Քաղաքականություն
27.02.2026 | 14:35
«Միասնության թևեր» քաղաքական նախաձեռնությունից հայտնում են, որ նախաձեռնության ղեկավար Արման Թաթոյանն ու «ՀայաՔվե» ազգային քաղաքացիական միավորման համակարգող Ավետիք Չալաբյանը այսօր ստորագրել են համագործակցության հուշագիր՝ միավորելով իրենց ջանքերը Հայաստանի ապագայի շուրջ միասնական քաղաքական օրակարգ ձևավորելու նպատակով։
«Հուշագրով կողմերը հայտարարեցին առաջիկա խորհրդարանական ընտրություններին «Միասնության թևեր» քաղաքական միավորի հիման վրա միասնական մասնակցության մասին»,- ասված է հաղորդագրությունում։
Հիշեցնենք, որ ավելի վաղ Factor.am-ը հայտնել էր, որ «Միասնության թևեր» քաղաքական նախաձեռնությունն ու «Շանթ դաշինք» ազգայնական կուսակցությունը համագործակցություն են սկսել։
Նշենք, որ առաջիկա ընտրություններին կուսակցությունների համար անցողիկ շեմը նվազեցվել է՝ հասնելով 4 տոկոսի։ 2 կուսակցություններից կազմված դաշինքների դեպքում անցողիկ շեմը կազմում է 8 տոկոս, 3-ի դեպքում՝ 9 տոկոս, իսկ 4 և ավելի կուսակցություններից կազմված դաշինքների դեպքում՝ 10 տոկոս։
