Պատերազմի ռիսկը կտրուկ նվազեց. «Թրամփի ուղին» նախ անվտանգության գործիք է, հետո՝ տնտեսական․ Դավիթ Պետրոսյան․ ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Ուկրաինայում սանձազերծած լայնամասշտաբ պատերազմը ստիպել է Ռուսաստանին երկրորդական պլան մղել իր շահերը Հարավային Կովկասում՝ փոխելով տարածաշրջանի անվտանգային ճարտարապետությունը։ Factor TV-ի հետ զրույցում այսպիսի կարծիք է հայտնել Արտաքին և անվտանգության քաղաքականության Երևանի կենտրոնի համահիմնադիր և փորձագետ Դավիթ Պետրոսյանը։ Նրա խոսքով՝ Հայաստանը ստիպված է վերանայել իր արտաքին քաղաքականությունն ու անվտանգային համակարգը։

Դավիթ Պետրոսյանի համոզմամբ՝ Ռուսաստանը շարունակում է հետխորհրդային տարածքում իր ազդեցությունը մեծացնելու «կայսերական քաղաքականությունը», սակայն Ուկրաինայում նախատեսված բլիցկրիգը ձախողվել է։ Այս իրավիճակում Ռուսաստանը, ըստ Պետրոսյանի, իր ամբողջ ռեսուրսը, ներառյալ՝ քաղաքական կապիտալը, կենտրոնացրել է ուկրաինական ճակատում՝ Հարավային Կովկասում իր շահերը երկրորդական դասելով։ 

«Դրա արդյունքում Հարավային Կովկասում անվտանգության ճարտարապետության փոփոխություն մենք ավելի հստակ զգացինք», – ասել է նա՝ հավելելով, որ այս փոփոխությունների հետևանքով Հայաստանը «ծանր հարվածներ ստացավ թե՛ Արցախի մասով, թե՛ նաև Հայաստանի սուվերեն միջազգային ճանաչված տարածքի»։

Անդրադառնալով Հայաստանի բանակի բարեփոխումներին՝ Պետրոսյանը շեշտել է, որ միայն զենք գնելը բավարար չէ։ «Զենք գնելը շատ լավ է, բայց դա ռեֆորմ չէ։ Ինժեներական աշխատանքներն էլ են շատ լավ, բայց դրանք էլ ամբողջական ռեֆորմ չեն», – ընդգծել է նա։ Փորձագետի կարծիքով՝ առանցքային է ռազմական նոր դոկտրինի մշակումը, որին պետք է ծառայեն բոլոր ձեռքբերումները։

Նա հատուկ կարևորել է հետախուզության դերը՝ նշելով, որ թե՛ 44-օրյա պատերազմի, թե՛ դրան հաջորդած էսկալացիաների ժամանակ ակնհայտ է եղել դրա բացը։ «Մեր հիմնական խնդիրներից մեկը հետախուզության պակասն էր։ Տպավորություն կա, որ մեր պաշտպանական գերատեսչությունը հարձակման մասին իմանում էր, երբ հարձակումը սկսվում էր», – ասել է Պետրոսյանը՝ հավելելով, որ առանց արդյունավետ հետախուզության՝ պաշտպանություն կազմակերպելն անհնար է։

Դավիթ Պետրոսյանի դիտարկմամբ՝ ռուսական կողմն ակտիվ տեղեկատվական արշավ է իրականացնում Հայաստանում, որի թիրախը ոչ թե իշխանություններն են, այլ հասարակությունը և ընդդիմությունը։ «Այդ բոլոր հայտարարություններն ուղղված չեն ամերիկացիներին, դրանք ուղղված չեն եվրոպացիներին, դրանք ուղղված չեն Հայաստանի իշխանություններին։ Դրանք ուղղված են Հայաստանի ժողովրդին ու ընդդիմությանը», – պարզաբանել է նա։

Նրա խոսքով՝ ռուսական կողմի հիմնական նպատակն է Հայաստանի քաղաքական դաշտը պահել իր վերահսկողության տակ և ունենալ այնպիսի ընդդիմություն, որը կազդի գործող իշխանության արտաքին քաղաքականության վրա։

Խոսելով տարածաշրջանային հաղորդակցությունների ապաշրջափակման մասին՝ փորձագետը նշել է, որ «Թրամփի ուղի» նախագիծը Հայաստանի համար ոչ միայն տնտեսական, այլև անվտանգային բաղադրիչ ունի։ Նա կարևորել է օգոստոսի 8-ի համաձայնությունը, որը, ըստ նրա, զգալիորեն նվազեցրել է պատերազմի վտանգը։

Հարցազրույցն ամբողջությամբ՝ տեսանյութում։

Ռոբերտ Անանյան