06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Ղրիմում ուկրաինական հարձակումների հետևանքով զոհվել է 4, վիրավորվել՝ 10 մարդ
Քաղաքականություն
04.06.2026 | 13:46
Ռուսաստանի կողմից բռնակցված Ղրիմի ղեկավար Սերգեյ Աքսյոնովը հայտարարել է, որ Սիմֆերոպոլում ուկրաինական հարձակման հետևանքով զոհվել է 3 մարդ, վիրավորվել՝ 7-ը, գրում է Current time-ը։
Նրա խոսքով՝ Ուկրաինայի զինված ուժերը հարվածել են ոչ բնակելի շենքերին, արտակարգ ծառայությունները աշխատում են դեպքի վայրում։
Բացի այդ, Ազովից Կերչ ուղևորվող գնացքի վրա անօդաչու թռչող սարքի հարձակման հետևանքով ևս 1 մարդ է զոհվել, 3-y` վիրավորվել։
Крымский ветер տելեգրամ ալիքը հաղորդել է, որ Թեոդոսիայում և Կերչում պայթյուններ են լսվել։ Տելեգրամ ալիքը նաև հրապարակել է Սևաստոպոլի «Հաղթանակ» զբոսայգու մոտակայքում ենթադրյալ հարվածի տեսանյութ, որի մոտակայքում, ըստ ալիքի, գտնվում է «Պանցիր» համակարգ։
Ռուսաստանից կողմից նշանակված Սևաստոպոլի ղեկավար Միխայիլ Ռազվոզժաևը հայտնել է, որ ՀՕՊ ուժերը հետ են մղում անօդաչուների հարձակումը։
Բրյանսկի մարզի նահանգապետի պաշտոնակատար Եգոր Կովալչուկն էլ հայտարարել է, որ Ուկրաինայի զինված ուժերը FPV անօդաչուներով հարձակվել են Ստարոդուբսկի շրջանի գյուղի վրա՝ վնասելով բնակելի շենքը: Մեկ կին վիրավորումով հոսպիտալացվել է։
Ռուսաստանի Պաշտպանության նախարարությունը հայտնել է, որ Բելգորոդի, Բրյանսկի, Վոլգոգրադի, Վորոնեժի, Կուրսկի, Նիժնի Նովգորոդի, Օրյոլի, Ռոստովի, Ռյազանի և Տամբովի մարզերի, ինչպես նաև բռնակցված Ղրիմի և Սև ու Ազովի ծովերի վրա խոցվել է 272 ուկրաինական անօդաչու թռչող սարք։
Ուկրաինան դեռևս չի մեկնաբանել ռուսական կողմի հաղորդագրությունները։
Թարգմանությունը՝ Էմմա Չոբանյանի
