28.09.2026 | 12:03
Հ1-ը ներողություն է խնդրում Թաթայի համերգը սեպտեմբերի 27-ին ցուցադրելու համար․ պատասխանատվության ենթարկվողների մասին խոսք չկա
Ռուսական զորքերը հարվածել են Խերսոնին, Բորիսպոլին և Պավլոգրադին․ տուժածներ կան
Քաղաքականություն
04.06.2026 | 13:34
Ռուսական զորքերը հունիսի լույս 4-ի գիշերը հարձակվել են Ուկրաինայի վրա «Իսկանդեր-Մ» բալիստիկ հրթիռով և 293 հարվածային անօդաչու թռչող սարքերով, որոնցից ՀՕՊ ուժերը խոցել են 264-ը, հայտնել են Ուկրաինայի ռազմաօդային ուժերը, գրում է Current time-ը։
Խերսոնում, տեղական իշխանությունների տվյալներով, 12-ամյա տղա է վիրավորվել բնակելի շենքի վրա անօդաչուի հարվածից և տեղափոխվել հիվանդանոց։
Բորիսպոլում ռուսական հարձակման ժամանակ արդյունաբերական օբյեկտում աշխատող է վիրավորվել։
Դնեպրոպետրովսկի մարզի Պավլոգրադ քաղաքում հրդեհներ են բռնկվել բազմաբնակարան շենքի երկու բնակարաններում, վիրավորվել է երկու մարդ, հայտնում է Արտակարգ իրավիճակների պետական ծառայությունը: Դնեպրովսկի շրջանում հրդեհներ են բռնկվել պահեստներում, իսկ Սինելնիկի շրջանում վնասվել են բազմաբնակարան շենքեր, մեկ մասնավոր տուն և ենթակառուցվածքներ:
Չեռնիգովի մարզի Նովգորոդ-Սևերսկի շրջանի Սեմյոնովկա քաղաքում ռուսական հարձակման հետևանքով հրդեհ է բռնկվել նաև պահեստային շենքում, Պոնորնիցկի համայնքում՝ ֆերմայի օժանդակ շինությունում։
Օդեսայի մարզում էլ ռուսական ռազմական ուժերը հարվածել են կրիտիկական ենթակառուցվածքային օբյեկտի, տուժածներ չկան։
Թարգմանությունը՝ Էմմա Չոբանյանի
