19.03.2026 | 23:17
Էստոնիան մեղադրել է Ռուսաստանին օդային տարածքի խախտման համար
Հաշտության ուղին բարդ է՝ հաշվի առնելով, որ հայ 19 ձերբակալվածները գտնվում են Բաքվում. Միրզոյան․ ՏԵՍԱՆՅՈՒԹ
Քաղաքականություն
23.02.2026 | 15:31
Ժնևում ՀՀ ԱԳ նախարար Արարատ Միրզոյանը ելույթ է ունեցել ՄԱԿ մարդու իրավունքների խորհրդի 61-րդ նստաշրջանում։ Նա ընդգծել է, որ Հայաստանի հանրությունը ենթարկվում է հիբրիդային հարձակումների։
«Մեր հասարակությունը ենթարկվում է մանիպուլյացիաների, հիբրիդային հարձակումների, արտաքին միջամտության։ Դրանք բոորը նպատակաուղղված թշնամական արշավներ են՝ մեր քաղաքացիների վստահության խաթարման ու ժողովրդավարական ինստիտուտների նկատմամբ», – նշել է Միրզոյանը։
Նա Հավելել է, որ Հայաստանը քայլեր է ձեռնարկում այդ ուղղությամբ ու ամրապնդում դիմակայունությունը ու ընդգծել տարբեր միջազգային ինդեքսներում Հայաստանի առաջընթացը։
Միրզոյանը նշել է, որ տասնամյակներ տևած հակամարտությունից հետո Հայաստանն ու Ադրբեջանը քայլեր են ձեռնարկել տարածաշրջանում խաղաղության հաստատման համար։
«Վաշինգտոնի անցյալ տարվա գագաթնաժողովը ոչ միայն խաղաղություն հաստատեց երկրների միջև, այլև ճանապարհ հարթեց առևտրի և մարդկանց միջև շփումների համար»,- ասել է Միրզոյանը։
Ըստ ՀՀ ԱԳ նախարարի՝ չնայած դրան, հակամարտության ցավալի հումանիտար հետևանքները դեռ պետք է լուծել։
«Դա բարդ գործ է հաշվի առնելով, որ հայ 19 ձերբակալվածները գտնվում են Բաքվում։ Անհետ կորածների ճակատագիրը ևս ունի պարզաբանման կարիք»,- ասել է Միրզոյանը։
Նա նշել է, որ Հայաստանը հավատարիմ է շարունակել այդ ուղին՝ ելնելով նրանից, որ խաղաղության հետագա ամրապնդումը բարենպաստ պայմաններ կստեղծի հակամարտության հետևանքների լուծման համար։
Թարգմանությունը՝ Էմմա Չոբանյանի
