19.03.2026 | 23:17
Էստոնիան մեղադրել է Ռուսաստանին օդային տարածքի խախտման համար
Կոմիտասի պողոտայի՝ կենսունակությունը կորցրած բոլոր ծառերը փոխարինվում են․ քաղաքապետ
Տեսանյութեր
23.02.2026 | 11:55
«Արաբկիր վարչական շրջանի Կոմիտասի շուկայի հարակից տարածքում իրականացվող շինարարական աշխատանքները հասել են գմբեթի կառուցման և հողի հետլիցքի փուլին»,- քաղաքապետարանի գործակարգավարակն նիստին զեկուցեց Արաբկիր վարչական շրջանի ղեկավար Սուրեն Վարոսյանը։
Քաղաքապետ Տիգրան Ավինյանն ընդգծեց, որ տվյալ շինարարությունը մասնավոր նախաձեռնություն է, և հանձնարարեց հսկողության տակ պահել Կոմիտասի պողոտայի մայթերի ամբողջական բարեկարգման ծրագիրը և ներկայացնել ընթացքը։
Թաղապետի խոսքով՝ Կոմիտասի պողոտայի մայթերի հիմնանորոգման նախագիծն արդեն կա, բայց թե որ ընկերությունն է իրականացնելու այդ աշխատանքները՝ թաղապետը չնշեց։
Տիգրան Ավինյանն ընդգծեց, որ Կոմիտասի պողոտայի մայթերի բարեկարգման նախագիծը պետք է իրականացվի հնարավորինս արագ՝ մրցույթ հայտարարելու և ֆիզիկական աշխատանքները սկսելու համար։
«Ըստ նախագծի՝ Կոմիտասի պողոտայի բոլոր մայթերը հիմնանորոգվում են, լարերը անցկացվում են գետնի տակ, կենսունակությունը կորցրած բոլոր ծառերը փոխարինվում են»,- ասաց Ավինյանը։
Քաղաքապետը նշեց, որ կանաչապատման և տարածքի ձևավորման լուծումները պետք է լինեն համակարգված և տրամաբանական՝ ապահովելով նաև հետիոտնային անցումների նորմատիվ հեռավորությունը։ Նա նաև ընդգծեց, որ անհրաժեշտ է խուսափել հողային հատվածների անպատրաստ վիճակից և մշակել թփային կամ կանաչապատման հստակ լուծումներ։
Մանրամասները՝ տեսանյութում։
