18.08.2026 | 15:34
Հայ շախմատիստները 5-րդ տեղն են գրավել Միխայիլ Բոտվիննիկի գավաթում
Փետրվարից առավելագույնը 10 հազար դրամ հետվճար կհաշվարկվի թոշակ ու նպաստ ստացողների համար․ ՏԵՍԱՆՅՈՒԹ
Հասարակություն
16.02.2026 | 12:10
Փետրվարին արդեն առաջին անգամ նոր դրույքաչափերով կհաշվարկվի կենսաթոշակ ու նպաստ ստացողների հետվճարը, և առավելագույն չափը կկազմի 10,000 դրամ կամ կատարած անկանխիկ գործառնությունների 20 տոկոսը։ Այս մասին մամուլի ասուլիսի ժամանակ ասաց ՀՀ աշխատանքի և սոցիալական հարցերի նախարարության կենսաթոշակային ապահովության և այլ դրամական վճարների վարչության պետ Անահիտ Գալստյանը։
«Մյուս կողմից ստացվում է՝ երկու անձ ունեն նույն կենսաթոշակը, մեկը հնարավորություն է ստանում առավելագույնը 10,000 դրամով լրացուցիչ գումար ստանալ, որովհետև ինքը ստանում է անկանխիկ եղանակով, իսկ մյուսը, որ ստանում է կանխիկ եղանակով, այդ հնարավորությունը չունի։ Համակարգի ներդրումից հետո բոլոր կենսաթոշակառուներն արդեն հնարավորություն կունենան անկանխիկ եղանակով գործառնություններից ստանալ իրենց հետվճարները»,- ընդգծեց Գալստյանը։
Նախկինում կենսաթոշակառուն կարող էր ընտրել՝ գումարը ստանալ կանխիկ, թե անկանխիկ։ Սակայն 2021-ից փուլային անցման արդյունքում կենսաթոշակները դարձան պարտադիր անկանխիկ՝ բանկերի միջոցով։
Գործող կարգավորումներից ժամանակավորապես դուրս էին մնացել 75-ից բարձր տարիքի և ծանր հաշմանդամություն ունեցող անձինք, սակայն այժմ այս խմբերը ևս վճարումները կստանան միայն անկանխիկ եղանակով։
Մանրամասները՝ տեսանյութում։
