28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Գենդերային հավասարության ապահովման աշխատանքների պատշաճ կազմակերպման հարցերը ՄԻՊ-ի աշխատանքի կարևոր ուղղություններից են. Անահիտ Մանասյան
Հասարակություն
31.01.2026 | 13:33
Հունվարի 30-ին Մարդու իրավունքների պաշտպանի աշխատակազմի համար անցկացվել է Գենդերային հավասարության պարգևադրոշմի (ԳՀՊ) ներդրման վերաբերյալ վերապատրաստման դասընթաց: Այդ մասին տեղեկացնում է ՄԻՊ աշխատակազմը:
Դասընթացն իրականացվել է Գենդերային հավասարության պարգևադրոշմի ներդրման գործընթացի շրջանակներում, որը Մարդու իրավունքների պաշտպանի աշխատակազմում պաշտոնապես գործարկվել է 2024 թվականի ապրիլի 9-ին՝ Հայաստանի Հանրապետությունում պաշտոնապես գործարկվելով առաջին անգամ։
Ողջունելով դասընթացի մասնակիցներին՝ Անահիտ Մանասյանն ընդգծել է, որ գենդերային հավասարության ապահովման աշխատանքների պատշաճ կազմակերպման հարցերը Մարդու իրավունքների պաշտպանի աշխատանքի կարևոր ուղղություններից և առաջնահերթություններից են:
Դասընթացը վարել են Միավորված ազգերի կազմակերպության զարգացման ծրագրի (UNDP) գենդերային հավասարության պորտֆելի ղեկավար Ժաննա Հարությունյանը և ՄԱԶԾ գենդերային հավասարության փորձագետ Ժաննա Գևորգյանը:
ՀՀ մարդու իրավունքների պաշտպանի աշխատակազմի գլխավոր քարտուղար Անդրանիկ Եղոյանն ընդգծել է Մարդու իրավունքների պաշտպանի աշխատակազմի կարողությունների զարգացմանն ուղղված վերապատրաստումների շարունակականությունը և այդ ուղղությամբ կատարած քայլերը:
Հանդիպման ընթացքում ամփոփվել են գենդերային հավասարության պարգևադրոշմի ներդրման գործընթացի շրջանակներում համատեղ իրականացված աշխատանքները, գենդերային հավասարության պարգևադրոշմի ռազմավարական ուղղություններն, ինչպես նաև նախանշվել է առաջիկայում իրականացվելիք գործողությունների պլանը։
Վերապատրաստման դասընթացը կազմակերպվել է ՄԱԶԾ «Կանայք քաղաքականության, հանրային կառավարման և քաղաքացիական հասարակության մեջ» ծրագրի շրջանակներում, որը ֆինանսավորվում է Լավ կառավարման հիմնադրամի կողմից:
