16.09.2026 | 12:40
ՌԴ-ն ուկրաինական Դնեպրոպետրովսկում ավտոբուսի և Կիև–Նիկոլաև գնացքին է հարվածել․ ՏԵՍԱՆՅՈՒԹ
Ադրբեջանը դեռ փայփայում է Սյունիքի բռնակցման հույսը՝ չնայած մեր բոլոր զիջումներին. Զուրաբյան․ ՏԵՍԱՆՅՈՒԹ
Քաղաքականություն
28.01.2026 | 15:27
Ադրբեջանի դիրքորոշումը շատ հստակ է․ ստորագրությունը խաղաղության պայմանագրի տակ չի դնում։ Այս մասին «Եռաբլուր» զինվորական պանթեոնում ասաց ՀԱԿ փոխնախագահ Լևոն Զուրաբյանը։
«Դա ունի շատ պարզ բացատրություն․ մեծ հաշվով Ադրբեջանը դեռ փայփայում է Սյունիքի անեքսիայի հույսը։ Նրանք ծրագրում են դա, նրանց հակահայկական, հայատյաց, համակարգային այս պրոպագանդան խոսում է դրա մասին»,- նշեց Զուրաբյանը։
Անդրադառնալով Փաշինյանի այսօրվա գրառմանը, որ «վերջին տարիներին հսկայական քանակությամբ ժամանակակից սպառազինություն և ռազմական տեխնիկա է ձեռք բերվել, այնպիսի որակի և պարամետրերի, որ մեր բանակը երբեք չի ունեցել», Զուրաբյանն արձագանքեց։
«Ես շատ մեծ անվստահություն ունեմ Փաշինյանի հայտարարությունների վերաբերյալ, որովհետև իմ աչքի առաջ գալիս է այն տեսարանը, երբ որ ինքը առել էր այն Սու-30ՍՄ ինքնաթիռները, հետո գնացել ֆոտո էր անում, ցուցադրում էր, որ ինչ լուրջ տեխնիկա են առնում։ Իսկ հետո պարզվեց, որ ինքը չի առել դրա հետ կապված հրթիռները, չի առել օդաչուների թրեյնինգի հետ կապված ծառայությունները, պահեստամասերի սպասարկումը և այլն։ Այսինքն՝ դրա վրա ծախսելով հարյուրավոր միլիոնավոր դոլարներ, մենք ձեռք էինք բերել մետաղալոմ։ Մետաղալոմ էինք ձեռք բերել, որը պատերազմի ժամանակ ոչ մի դեր չկատարեց։ Հիմա ես ո՞նց կարող եմ այդ մարդու ասածներին վստահել»,- ընդգծեց ՀԱԿ փոխնախագահը։
Մանրամասները՝ տեսանյութում։
