25.05.2026 | 09:45
ՀՀ ԶՈՒ ավիացիան Երևանի կենտրոնում թռիչք է կատարելու․ ՊՆ-ն խնդրում ե ի գիտություն ընդունել
Յուրի Վարդանյանն ու Վարստանում Իրանի դեսպանն անդրադարձել են Հյուսիս-հարավ ճանապարհի կառուցմանը
Քաղաքականություն
20.07.2017 | 11:51
Վրաստանում ՀՀ արտակարգ և լիազոր դեսպան Յուրի Վարդանյանը հուլիսի 18-ին հյուրընկալել է Վրաստանում Իրանի Իսլամական Հանրապետության արտակարգ և լիազոր դեսպան Սեյեդ Ջավադին, ում այցելությունը ՀՀ դեսպանություն կրում էր ճանաչողական բնույթ: Այս մասին տեղեկացնում են Վրաստանում ՀՀ դեսպանությունից:
Հանդիպման ընթացքում կողմերը քննարկել են երկկողմ հետաքրքրություն ներկայացնող մի շարք հարցեր: Զրուցակիցները կարևորել են հայ-իրանական շփումները և համագործակցությունը բոլոր հնարավոր հարթակներում՝ այդ թվում նաև այլ պետություններում Հայաստանի և Իրանի դիվանագիտական ներկայացուցչությունների ղեկավարների միջև:
Զրույցի ընթացքում անդրադարձ է կատարվել Հյուսիս-հարավ միջպետական ավտոճանապարհի կառուցմանը, ինչը էապես կնպաստի թե՛ Հայաստանի և թե՛ Իրանի առևտրաշրջանառության ընդլայնմանը և տնտեսության զարգացմանը:
Հիշեցնենք, որ Factor.am-ը օրեր առաջ անդրադարձել էր «Հյուսիս-հարավ» ճանապարհի կառուցման «ոդիսականին»:
