02.02.2026 | 15:10
Իրանը քննարկում է ԱՄՆ-ի հետ դիվանագիտական գործընթացը և հույս ունի արդյունքների հասնել առաջիկա օրերին. ԱԳՆ խոսնակ
«Այս պահին առանց մեկնաբանության»․ Մայր Աթոռից դեռ չեն արձագանքում Եզրաս արքեպիսկոպոսի վերաբերյալ հրապարակված փաստաթղթին
Քաղաքականություն
22.12.2025 | 11:55
Մայր Աթոռից դեռ չեն մեկնաբանում ուրբաթ օրը իշխանական կայքում հրապարակված փաստաթուղթը, ըստ որի՝ Եզրաս արքեպիսկոպոս Ներսիսյանը համագործակցել է ԽՍՀՄ պետական անվտանգության կոմիտեի հետ։ «Այս պահին առանց մեկնաբանության»,- Factor TV-ի հարցմանն ի պատասխան ասաց Մայր Աթոռի տեղեկատվական համակարգի տնօրեն Տեր Եսայի քահանա Արթենյանը։
Հիշեցնենք՝ դեկտեմբերի 20-ին իշխանական civic.am-ը փաստաթղթի պատճեն է հրապարակել, որը, ըստ կայքի, ՀՀ Ազգային անվտանգության ծառայությունն է տրամադրել իրենց հարցմամբ։ Ըստ հրապարակման՝ Ամենայն հայոց կաթողիկոսի եղբայրը՝ Եզրաս արքեպիսկոպոս Ներսիսյանը, համագործակցել է ԽՍՀՄ պետական անվտանգության կոմիտեի, այսպես կոչված, ԿԳԲ-ի հետ։ Նշվում է, որ Ռուսաստանի և Նոր Նախիջևանի հայոց թեմի առաջնորդը նաև ծածկանուն է ունեցել՝ «Կարո»։
«ԱԱԾ փոխանցմամբ՝ բացի այդ, առկա տվյալների համաձայն՝ Եզրաս արքեպիսկոպոս Ներսիսյանը ներկայումս կապեր է պահպանում օտարերկրյա պետությունների հատուկ ծառայությունների ներկայացուցիչների հետ, ինչը կարող է սպառնալիք հանդիսանալ Հայաստանի Հանրապետության անվտանգությանը և շահերին։ Ելնելով վերոգրյալից՝ Ազգային անվտանգության ծառայության կողմից օրենքով իրեն վերապահված լիազորությունների շրջանակներում ձեռնարկվում են անհրաժեշտ միջոցներ նշված սպառնալիքները վերացնելու ուղղությամբ»,-նշել էր աղբյուրը։
Եվգենյա Համբարձումյան
