13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Ժամկետը փոխվեց․ առողջության համընդհանուր ապահովագրության համակարգն ավելի վաղ կգործարկվի․ ՏԵՍԱՆՅՈՒԹ
12.12.2025 | 12:45
«Ժամկետի մասով մենք ունենք փոփոխություն։ Առողջության համընդհանուր ապահովագրության համակարգն ուժի մեջ է մտնում ստորագրման հաջորդ օրվանից, և առաջին հաշվարկային ամիսը ապահովագրավճար վճարողների համար կդիտարկվի նոյեմբեր ամիսը»,- այս մասին ԱԺ առողջապահության հարցերի մշտական հանձնաժողովի նիստի ժամանակ ասաց առողջապահության նախարար Անահիտ Ավանեսյանը։
Նրա խոսքով՝ նախատեսել են դեկտեմբերը, քանի որ այն աշխատավարձերի և պարգևավճարների հաշվարկների առումով շեղող ամիս է։
«Այսինքն, օրենքը ուժի մեջ կմտնի դեկտեմբերին, ստորագրման հաջորդ օրվանից, որպես հաշվարկային աշխատավարձի բազա կդիտարկվի նոյեմբեր ամիսը, վճարման առաջին ամիսը կլինի հունվար ամիսը, հունվարին մինչև 20-ը, բայց մինչև հունվարի 20-ը, ուրեմն, հաշվարկը կիրականացվի դեկտեմբեր ամսվա հաշվարկի վրա, այսինքն՝ պահումը այդ 300 դրամի կամ մյուս սանդղակների պահումները կիրականացվեն դեկտեմբեր ամսվա աշխատավարձից, հունվար ամսվա ընթացքում»,-նշեց նախարարը։
Անահիտ Ավանեսյանն ընդգծեց՝ փաթեթները կակտիվանան հունվարի 1-ից։
Մանրամասները՝ տեսանյութում։
