01.04.2026 | 21:25
Հայաստանի գավաթ․ «Ուրարտուն» կիսաեզրափակիչում է
Արշակ սրբազանը ձերբակալվել է կալանքի համար դատարան ներկայացնելու նպատակով. փաստաբան
Հասարակություն
04.12.2025 | 18:52
Արշակ արքեպիսկոպոս Խաչատրյանը ձերբակալվել է կալանքի համար դատարան ներկայացնելու նպատակով: Այս մասին ֆեյբուքյան իր էջում գրել է փաստաբան Արսեն Բաբայանը։
«Ավարտվեց Արշակ Սրբազանի ձերբակալման գործողությունը եւ հարցաքննությունը: Սրբազանը ձերբակալվել է կալանքի համար դատարան ներկայացնելու նպատակով»,- մասնավորապես գրել է նա:
Ավելի վաղ Քննչական կոմիտեից Factor.am-ին հայտնել էին, թե ինչ վարույթի շրջանակում է ձերբակալվել Արշակ արքեպիսկոպոս Խաչատրյանը։
«Քրեական վարույթի նախաքննության ընթացքում անձի նկատմամբ հարուցվել է հանրային քրեական հետապնդում՝ Քրեական օրենսգրքի 393-րդ հոդվածի 2-րդ մասի 1-ին և 4-րդ կետերով (մի խումբ անձանց կողմից նախնական համաձայնությամբ թմրամիջոց ապօրինի իրացնելը՝ հանդիսադիր վայրում)»,- նշել էին նախաքննական մարմնից։
