28.04.2026 | 16:06
Մեկ շաբաթից կտեսնենք նաև Ֆրանսիայի հետ երկար բանակցված փաստաթղթի ստորագրումը
«Սրբազանին մեղադրում են, թե, իբր, Վեհափառի դեմ ակցիա իրականացնողներից մեկին վարկաբեկելու նպատակով պայուսակում թմրամիջոց է դրել»․ փաստաբան
Քաղաքականություն
04.12.2025 | 18:39
«Արշակ սրբազանին մեղադրում են, թե, իբր, վերջինս 2018 թվականին Վեհափառի դեմ ակցիա իրականացնողներից մեկին վարկաբեկելու նպատակով պայուսակում թմրամիջոց է դրել։ Ավելի անհեթեթ բան չէինք լսել»,- այս մասին ֆեյսբուքյան իր էջում գրել է փաստաբան Արսեն Բաբայանը:
Ավելի վաղ Քննչական կոմիտեից Factor.am-ին հայտնել էին, թե ինչ վարույթի շրջանակում է ձերբակալվել Արշակ արքեպիսկոպոս Խաչատրյանը։
«Քրեական վարույթի նախաքննության ընթացքում անձի նկատմամբ հարուցվել է հանրային քրեական հետապնդում՝ Քրեական օրենսգրքի 393-րդ հոդվածի 2-րդ մասի 1-ին և 4-րդ կետերով (մի խումբ անձանց կողմից նախնական համաձայնությամբ թմրամիջոց ապօրինի իրացնելը՝ հանդիսադիր վայրում)»,- նշել են նախաքննական մարմնից։
Եվգենյա Համբարձումյան
