28.04.2026 | 13:26
Աշխարհի ամենաթանկ ֆուտբոլային ակումբները
ՌԴ-ում ձերբակալված Եկատերինբուրգում ադրբեջանական սփյուռքի նախկին ղեկավարը կարող է ցմահ ազատազրկվել
Քաղաքականություն
02.12.2025 | 21:52
Ռուսաստանում քննիչներն ավարտել են Եկատերինբուրգում (Ուրալում) ադրբեջանական սփյուռքի նախկին առաջնորդ Շահին Շիխլինսկիի դեմ հարուցված երեք «քրեական գործի» քննությունը։ Ռուսական լրատվամիջոցների փոխանցմամբ՝ նա կարող է դատապարտվել ցմահ ազատազրկման։
Ադրբեջանական աղբյուրների համաձայն՝ Շահին Շիխլինսկին ամբողջությամբ հերքում է իրեն առաջադրված մեղադրանքները։
Միաժամանակ, հաղորդվում է, որ նրա որդին՝ Մուտվալա Շիխլինսկին, մեղադրվում է իրավապահ մարմինների աշխատակցի նկատմամբ «բռնություն գործադրելու» մեջ։ Այս մեղադրանքով առավելագույն պատիժը մինչև 10 տարի ազատազրկումն է։ Նա նույնպես հերքում է առաջադրված մեղադրանքը։
Քննությունն ավարտվել է, նյութերն ուղարկվել են դատարան։ Սպասվում է, որ դատավարությունը շուտով կսկսվի։
Ավելի վաղ հաղորդվել էր, որ Ուրալում ադրբեջանական սփյուռքի նոր ղեկավարը նույնպես ձերբակալվել է։
Թարգմանությունը՝ Էմմա Չոբանյանի
