28.04.2026 | 14:43
Կա՞ հեղուկ գազի գնի բարձրացման ռիսկ․ պատասխանում է Էկոնոմիկայի նախարարությունը
Ուրալում ադրբեջանական սփյուռքի նոր ղեկավարը նույնպես ձերբակալվել է
Քաղաքականություն
02.12.2025 | 12:26
Ռուսաստանի Եկատերինբուրգ քաղաքում ոստիկանությունը հատուկ նշանակության ուժերի մասնակցությամբ ձերբակալել է Ուրալի ադրբեջանական համայնքի նոր ղեկավար Վիդադի Մուստաֆաևին։ Այս մասին գրում են ադրբեջանական լրատվամիջոցները՝ ռուսական աղբյուրներին հղում անելով:
«Նա ձերբակալվել է Իսեթ աշտարակի մուտքի մոտ, որտեղ այցելում էր էլիտար Encore ֆիթնես ակումբ: Գործողությանը մասնակցել է Կազմակերպված հանցագործության դեմ պայքարի ստորաբաժանումը (ОБОП)՝ հատուկ արագ արձագանքման ստորաբաժանման (СОБР) ուղեկցությամբ»,- ասել է աղբյուրներից մեկը:
Նախնական տեղեկությունների համաձայն՝ Մուստաֆաևը կասկածվում է հողամասի վաճառքի ժամանակ խարդախության մեջ (Ռուսաստանի քրեական օրենսգրքի 159-րդ հոդվածի 4-րդ մաս), սակայն իրավապահ մարմինները դեռևս պաշտոնապես չեն մեկնաբանել իրավիճակը։
Ավելի վաղ ձերբակալվել, ապա կալանավորվել էր նաև Եկատերինբուրգում (Ուրալում) ադրբեջանական սփյուռքի ղեկավար Շահին Շիխլինսկին։
Թարգմանությունը՝ Էմմա Չոբանյանի
