29.06.2026 | 21:12
Կաշկանդված եմ Մեդվեդևի խոսքը մեկնաբանել, քանի որ չեմ կարդացել. Վահագն Ալեքսանյան․ ՏԵՍԱՆՅՈւԹ
ՌԴ Պետդումայի պատգամավորը հայտարարել է, որ WhatsApp-ը երկրում արգելափակվում է «դիվանագիտական բանակցությունների արտահոսքի» պատճառով
Հաղորդաշարեր
01.12.2025 | 21:40
Ռուսաստանում WhatsApp մեսենջերի արգելափակման պատճառներից մեկը «դիվանագիտական բանակցությունների արտահոսքն» է։ Այս մասին հայտարարել է Պետդումայի պատգամավոր, տեղեկատվական քաղաքականության, տեղեկատվական տեխնոլոգիաների և հաղորդակցության հարցերով հանձնաժողովի ղեկավարի տեղակալ Անտոն Գորելկինը, գրում է Meduza-ն։
«Իմ տեղեկությունների համաձայն՝ դիվանագիտական բանակցությունների վերջին արտահոսքը լրացուցիչ, բայց կարևոր խթան հանդիսացավ WhatsApp-ի դեմ ծայրահեղ միջոցների կիրառման արագացման համար։ Եզրակացությունն արվել է. մեսենջերի սեփականատերերը ոչ միայն աչք են փակում դրա անօրինական օգտագործման վրա, այլև իրենք են ակտիվորեն մասնակցում դրան»,- գրել է նա տելեգրամում։
Նոյեմբերի 25-ին Bloomberg-ը հրապարակել էր Ռուսաստանի նախագահի օգնական Յուրի Ուշակովի երկու հեռախոսազրույցների սղագրությունները, մեկը՝ Դոնալդ Թրամփի հատուկ դեսպան Սթիվ Ուիթկոֆի, մյուսը՝ Վլադիմիր Պուտինի հատուկ ներկայացուցիչ Կիրիլ Դմիտրիևի հետ։ Ձայնագրությունների աղբյուրը և այս զրույցներում օգտագործված կապի ալիքն անհայտ են։
Ինքը՝ Ուշակովը, ակնարկել էր, որ արտահոսքը կարող էր տեղի ունենալ WhatsApp մեսենջերի օգտագործման պատճառով։
Նոյեմբերի 28-ին Ռոսկոմնադզորը հայտարարել էր, որ շարունակում է հետևողականորեն սահմանափակումներ կիրառել WhatsApp-ի նկատմամբ, քանի որ հաղորդագրությունների հավելվածը խախտում է Ռուսաստանի օրենսդրությունը: Ռոսկոմնադզորի մամուլի ծառայությունը պնդում էր, որ հաղորդագրությունների հավելվածն օգտագործվում է ահաբեկչական հարձակումներ կազմակերպելու և ահաբեկիչների հավաքագրելու, ինչպես նաև Ռուսաստանի քաղաքացիների դեմ խարդախություններ և այլ հանցագործություններ կատարելու համար։
2025 թվականի օգոստոսից Ռոսկոմնադզորն արգելափակում է WhatsApp-ում և Telegram-ում զանգերը։
Թարգմանությունը՝ Էմմա Չոբանյանի
