28.04.2026 | 14:43
Կա՞ հեղուկ գազի գնի բարձրացման ռիսկ․ պատասխանում է Էկոնոմիկայի նախարարությունը
Ուշակովը խոստովանել է, որ բանակցություններ է վարում WhatsApp-ի միջոցով, և դա կարող է լինել արտահոսքի պատճառը
Քաղաքականություն
26.11.2025 | 18:08
ՌԴ նախագահի օգնական Յուրի Ուշակովը «Կոմերսանտի» հատուկ թղթակից Անդրեյ Կոլեսնիկովի հետ զրույցում խոստովանել է, որ երբեմն դիվանագիտական բանակցություններ է վարում WhatsApp-ի միջոցով։ Պաշտոնյան ենթադրել է, որ դա կարող է լինել հեռախոսազրույցների ձայնագրությունների արտահոսքի պատճառը, գրում է The Insider-ը։
«Այո, շփումները տեղի են ունենում անվտանգ կապի միջոցով, որտեղ արտահոսքեր գործնականում չեն լինում, եթե կողմերից մեկը հատուկ չի անում դա: Սակայն կան WhatsApp-ի որոշ զրույցներ, որոնք, ընդհանուր առմամբ, ինչ-որ մեկը կարող է գաղտնալսել: Անհավանական է, որ ներգրավված երկու կողմերը կարողանային նման բանի արտահոսք կազմակերպել»,- ասել է պաշտոնյան:
Նոյեմբերի 25-ին Bloomberg-ը հրապարակել էր Ուշակովի և ԱՄՆ նախագահի հատուկ դեսպանորդ Սթիվ Ուիթկոֆի միջև, ենթադրաբար, հոկտեմբերին տեղի ունեցած զրույցի սղագրությունը: Հրապարակվել է նաև Ուշակովի և Պուտինի մեկ այլ օգնականի՝ Կիրիլ Դմիտրիևի զրույցի սղագրությունը: Դրանց թեման Ուկրաինայի խաղաղության ծրագիրն էր:
Դմիտրիևը Bloomberg-ի հաղորդագրությունն անվանել էր «կեղծ», մինչդեռ Ուշակովը ո՛չ հաստատել, ո՛չ էլ հերքել է զրույցների իսկությունը՝ նշելով, որ չի կարող մեկնաբանել նման զրույցների բովանդակությունը։
WhatsApp զանգերը Ռուսաստանում արգելափակվել են օգոստոսի կեսերից. այս հաղորդագրությունների հավելվածով զանգերը կարող են կատարվել միայն VPN-ի միացման դեպքում։
Թարգմանությունը՝ Էմմա Չոբանյանի
