09.06.2026 | 00:17
Մարկո Ռուբիոն շնորհավորել է Փաշինյանին
Ֆիզկուլտինստիտուտից փաստաթղթեր և ընդունելության քննությունների տեսագրություններն է պահանջել կոմիտեն. ռեկտորը` ամբիոնի վարիչի կալանավորման մասին
Քաղաքականություն
27.11.2025 | 22:13
Հակակոռուպցիոն կոմիտեի ներկայացուցիչները որոշ փաստաթղթեր և ընդունելության քննությունների հետ կապված տեսագրություններն են պահանջել, որոնք տրամադրվել են։ Այս մասին Factor.am-ի հետ զրույցում ասել է Հայաստանի ֆիզիկական կուլտուրայի և սպորտի պետական ինստիտուտի ռեկտոր Տիգրան Սիմոնյանը։
Հակակոռուպցիոն կոմիտեից երեկ հայտնեցին, որ ֆիզկուլտինստիտուտի ամբիոնի վարիչը և ևս երկու անձ ձերբակալվել են կաշառք ստանալու մեղադրանքով։
Ռեկտորի խոսքով` ձերբակալվածը Սպորտային տուրիզմի և փրկարարական գործի ամբիոնի վարիչն է։ Ըստ Սիմոնյանի` նրան տնից են ձերբակալել։ Նշում է` մյուս երկու ձերբակալվածները կապ չունեն ինստիտուտի հետ։
«Հինգերորդ տարին է արդեն` աշխատում էր ինստիտուտում։ Կաշառք երևույթին շատ բացասական եմ վերաբերվում, այստեղ մեր ինստիտուտի համբավի հարցն է։ Տվյալ ամբիոնի վարիչի կողմից երբեք նման բան չենք նկատել։ Վստահ չեմ, որ այդ գործողությունը կապված է ինստիտուտի հետ։ Նախաքննություն է գնում, եկեք սպասենք մինչև իրավապահ մարմինները իրենց եզրակացությունը տան»,- ասաց Սիմոնյանը։
Հիշեցնենք, որ ձերբակալվածների նկատմամբ որպես խափանման միջոց կալանքի միջնորդություններ են ներկայացվել դատարան, որոնք բավարարվել են։
Անի Թամրազյան
