31.10.2026 | 13:56
Հայաստանից՝ Էկվադոր. COP18-ը հյուրընկալող երկիրն ընտրված է
Խուզարկություններ ֆիզկուլտինստիտուտում․ ամբիոնի վարիչը և ևս երկու անձ է ձերբակալվել
Հասարակություն
26.11.2025 | 14:46
Ֆիզկուլտինստիտուտի ամբիոնի վարիչը և ևս երկու անձ ձերբակալվել են՝ կաշառք ստանալու մեղադրանքով․ Հակակոռուպցիոն կոմիտե Հակակոռուպցիոն կոմիտեն գործողություններ է իրականացնում Հայաստանի ֆիզիկական կուլտուրայի և սպորտի պետական ինստիտուտում։
Ըստ Armlur.am-ի՝ կաշառք վերցնելու պահին դասախոսներ են ձերբակալվել։ Հակակոռուպցիոն կոմիտեից Factor.am-ի հետ զրույցում հաստատեցին տեղեկությունը։ Կառույցից հայտնում են, որ կոմիտեում քննվող քրեական վարույթի շրջանակներում ձերբակալվել է Հայաստանի ֆիզիկական կուլտուրայի և սպորտի պետական ինստիտուտի ամբիոնի վարիչը՝ կաշառք ստանալու մեղադրանքով։
«Եվս երկու անձ ձերբակալվել է կաշառք ստանալուն օժանդակելու և կաշառք տալու մեղադրանքներով։ Նրանց նկատմամբ կալանքը որպես խափանման միջոց կիրառելու միջնորդություններ են ներկայացվել դատարան, որոնք բավարարվել են»,- հայտեց ՀՀ հակակոռուպցիոն կոմիտեի նախագահի մամուլի քարտուղար Մարինա Օհանջանյանը:
Անի Թամրազյան
