30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ափսոսում եմ, որ իրենց մուտքը նման խոսույթով են սկսում․ Սաղաթելյանը՝ Թաթոյանի հայտարարության մասին․ ՏԵՍԱՆՅՈՒԹ
Քաղաքականություն
26.11.2025 | 17:35
«Ես ցավում եմ, որ քաղաքականության մեջ հայտ ներկայացրած նոր քաղաքական ուժը իր քայլերը սկսում է նիկոլական խոսույթով։ Նախկիների կամ ներկաների ընտրություններին չմասնակցելու խոսույթը նիկոլական խոսույթ է»,- ԱԺ-ում լրագրողների հետ ճեպազրույցի ժամանակ ասել է «Հայաստան» խմբակցության պատգամավոր Իշխան Սաղաթելյանը՝ Արման Թաթոյանի հայտարարության հետ կապված։
Հիշեցնենք՝ «Միասնության թևեր» քաղաքական նախաձեռնության ղեկավար Արման Թաթոյանն այսօր հայտարարել է, որ Նիկոլ Փաշինյանին հաղթելու համար նախկին երեք նախագահները պետք է դուրս գան քաղաքականությունից:
«Նիկոլ Փաշինյանը վամպիրի պես սնվում է նախկին նախագահների ժամանակահատվածի հարցերից»,- ասել է Թաթոյանը։
Հարցին, թե արդյոք նախկինում ընդդիմադիրները Թաթոյանին են դիտարկել որպես միասնական թեկնածու, Սաղաթելյանը նշեց, որ քննարկումներ եղել են, սակայն հարցին ավելի հանգամանալից կարող է պատասխանել Բագրատ արքեպիսկոպոս Գալստանյանը։
Մանրամասները՝ տեսանյութում։
