31.10.2026 | 14:42
COP17-ի շրջանակում ընդունվել է շուրջ 50 որոշում․ արդյունքները գերազանցել են սպասելիքները․ նախարար
«Աշխատող աղքատները» կազատվեն առողջապահական ծախսերից․ Հերիքնազ Տիգրանյանը մանրամասնում է
25.11.2025 | 16:49
«Նվազագույն աշխատավարձը և սոցիալ-տնտեսական իրողությունները Հայաստանի Հանրապետությունում» թեմայով քննարկման ժամանակ ԱԺ աշխատանքի և սոցիալական հարցերի մշտական հանձնաժողովի նախագահ Հերիքնազ Տիգրանյանը նշեց՝ 2026 թվականի հունվարից պլանավորվում է ներդնել Առողջության համընդհանուր ապահովագրության համակարգը։
«Մարդիկ իրենց ցածր եկամուտների պատճառով նաև զրկված են բժշկական որակյալ ծառայություններից, անգամ ամենօրյա դեղորայք գնելու խնդիր ունեն։ Այս ամբողջը 2026 թվին կտեղափոխվի այս համակարգ աղքատների և ծայրահեղ աղքատների դեպքում, նաև «աշխատող աղքատների» դեպքում, որովհետև առաջին փուլում համակարգում կլինեն 200 հազար և ավելի աշխատավարձ ստացողները»,-նշեց Տիգրանյանը։
Բացի այդ, 200 000 դրամ և ավելի աշխատավարձ ստացողները 2027 թվականի հունվարի 1-ից են վճարելու փաթեթի տարեկան գումարը, իսկ 2026 թվականի ընթացքում տարբեր վերաբաշխումների արդյունքում իրենք այս ծախսը չեն կատարելու և երկարաժամկետում էլ այնպիսի համակարգեր պետք է ստեղծվեն, որպեսզի նրանք այս ծախսը կամ քիչ զգան, կամ չզգան:
Համակարգի մասնակից կդառնան նաև մինչև 18 տարեկան երեխաները և 65 տարին լրացած անձինք, 18-65 տարեկան և հաշմանդամություն ունեցող անձինք, այդ թվում՝ զինհաշմանդամները, անապահովության բալ ունեցող քաղաքացիները։
«200,000+ աշխատավարձ ստացողների մեջ են մտնում այդ 188.000 ցածր աշխատավարձ ստացող «աշխատող աղքատները», ինչը նշանակում է, որ սպառողական զամբյուղի ծախսերի մեծ մասը առողջապահական բլոկով գոնե դուրս է գալիս»,-ասաց նա։
Եվգենյա Համբարձումյան
