10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Տարոն Մարգարյանին և ՀՀԿ-ին ընտրած Ֆիրդուսի շուկայի առևտրականը վստահում է քաղաքապետին
Հասարակություն
19.07.2017 | 14:34
Չնայած նրան, որ այսօր լուսադեմին Երևանի քաղաքապետարանի աշխատակիցները ոստիկանության ներկայացուցիչների ուղեկցությամբ փորձում էին ապամոնտաժել Ֆիրդուսի տոնավաճառը, այնուամենայնիվ, առևտրականների թվում կան անձինք, որոնք հայտարարում են՝ չեն հավատում, որ Տարոն Մարգարյանն այդ քայլին կգնա:
Առևտրականներից տիկին Անահիտը, որը ինչպես ինքն ասաց, տարիներ շարունակ ընտրել է իշխող Հանրապետական կուսակցությանը, իսկ Երևանի ավագանու ընտրություններին՝ գործող քաղաքապետ Տարոն Մարգարյանին, դեռևս հույս ունի, որ քաղաքապետի որոշումն հօգուտ իրենց կլինի:
«Ես համոզված եմ Տարոն Մարգարյանն էդ քայլին չի գնա, նա այս իրավիճակը շտկելու ա , որ էս մարդիկ աշխատեն»,- հայտարարեց տիկին Անահիտը:
Հիշեցնենք՝ այսօր վաղ առավոտյան ժամը 6:00-ի սահմաններում առանց առևտրականներին նախապես զգուշացնելու, քաղաքապետարանի աշխատակիցները՝ ներդրումային ծրագիրն իրականացնողների հետ միասին, համապատասխան շինտեխնիկայով եկել էին տոնավաճառի տարածք՝ այն ապամոնտաժելու նպատակով: Առևտրականների և հարակից շենքերի բնակիչների համառ դիմադրությունից հետո ապամոնտաժման գործընթացը ժամանակավոր դադարեցվեց:
Առավել մանրամասն՝ տեսանյութում:
Շողիկ Գալստյան
