12.01.2026 | 18:11
Փարաքար համայնքի նախկին ղեկավար Վալոդյա Գրիգորյանի սպանության գործի նախաքննությունը, 2 անձի մասով, ավարտվել է․ ՔԿ
Լևոն Քոչարյանն ինձ մեքենա չի նվիրել. Սևակ Խաչատրյան. ՏԵՍԱՆՅՈՒԹ
Քաղաքականություն
16.11.2025 | 11:38
«Լևոն Քոչարյանն ինձ մեքենա չի նվիրել»,- լրագրողների հետ զրույցում ասաց Վաղարշապատի թիվ 14/10 ընտրական տեղամասում իր քաղաքացիական պարտքը կատարելու եկած «Հաղթանակ» դաշինքի ցուցակը գլխավորող Սևակ Խաչատրյանը։
«Սկզբից ասում էին 50 միլիոն դրամ են տվել, հետո ասացին Lexus մեքենա են նվիրել: Այն դեպքում, երբ որ ես Lexus մեքենա ունեմ, առել եմ տարուկես առաջ, ամբողջ թղթաբանությունը կա, կարող ենք հրապարակել: Հետո ասեցին, որ S-Class Mercedes են նվիրել: Ինձ թվում է, այսօր եթե քվեարկության արդյունքները մեր կողմից լինի, «Հաղթանակ» դաշինքը հաղթի, կարող է ասեն՝ Bentley կամ Rolls-Royce են նվիրել»,- ասաց Խաչատրյանը:
Հիշեցնենք՝ Վաղարշապատում այսօր ավագանու ընտրություններ են: Առավոտյան ժամը 8:00-ից բացվել են գործող բոլոր ընտրատեղամասերը. ընտրողները քվեարկել կարող են մինչև ժամը 20:00-ն:
Վաղարշապատի ՏԻՄ ընտրություններին գրանցվել են հետևյալ քաղաքական ուժերը՝ «Հայրենիք» կուսակցություն, «Հաղթանակ» կուսակցությունների դաշինք՝ «Առաջ» և ՀՅԴ կուսակցություններով, «Քաղաքացիական պայմանագիրը», «Ազատ դեմոկրատները», «Մայր Հայաստան» ազգային-դեմոկրատական, «Ժառանգություն», «Հանրապետություն», «Համահայկական ճակատ» կուսակցությունները:
Մանրամասները՝ տեսանյութում:
