05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Եթե չմիավորվենք, կփոշիացնենք մեր եղած քվեները. Խաչիկ Մանուկյանը՝ կոալիցիա կազմելու մասին. ՏԵՍԱՆՅՈՒԹ
Քաղաքականություն
16.11.2025 | 10:37
Կարծում եմ, եթե մասնակցությունը բարձր լինի, այո, ընդդիմությունը հաղթանակ կտոնի։ Այս մասին հայտարարել է «Հայրենիք» կուսակցության թեկնածու Խաչիկ Մանուկյանը: Լրագրողի հարցին, թե արդյոք կոալիցիա կազմելու հնարավորություն դիտարկում են, Խաչատրյանը պատասխանել է.
«Եթե մենք չմիավորվենք, կփոշիացնենք մեր եղած քվեները: Կմիավորվենք և կկարողանանք միասնաբար լուրջ խնդիրներ լուծել»,- ասել է Խաչիկ Մանուկյանը:
Նրա խոսքով՝ ընտրապայքարի ընթացքում նա տեսել է ընդդիմության հաղթանակը, և անհրաժեշտ է, որ այն վավերացվի քվեների միջոցով։
Իսկ թե արդյոք կոալիցիա կազմելու շուրջ քննարկումներ եղել են ընդդիմադիր ուժերի միջև, Խաչատրյանը վստահեցրել է, որ տեխնիկական հարցեր են փոխհամաձայնեցրել: Ըստ նրա՝ ընտրություններից հետո քննարկումներ կլինեն:
Հիշեցնենք, որ Վաղարշապատում այսօր ավագանու ընտրություններ են: Առավոտյան ժամը 8:00-ից բացվել են գործող բոլոր ընտրատեղամասերը. ընտրողները քվեարկել կարող են մինչև ժամը 20:00-ն:
Վաղարշապատի ՏԻՄ ընտրություններին գրանցվել են հետևյալ քաղաքական ուժերը՝ «Հայրենիք» կուսակցություն, «Հաղթանակ» կուսակցությունների դաշինք՝ «Առաջ» և ՀՅԴ կուսակցություններով, «Քաղաքացիական պայմանագիրը», «Ազատ դեմոկրատները», «Մայր Հայաստան» ազգային-դեմոկրատական, «Ժառանգություն», «Հանրապետություն», «Համահայկական ճակատ» կուսակցությունները:
Մանրամասները՝ տեսանյութում:
