31.10.2026 | 10:25
Երևան մոլում բացվել է HayPass-ի գրասենյակը. Փաշինյանը ծանոթացել է անձնագիր ստանալու նոր համակարգին․ ՏԵՍԱՆՅՈՒԹ
Կառավարությունը հավանություն է տվել առողջության համընդհանուր ապահովագրության ներդրման վերաբերյալ օրենսդրական փաթեթին
14.11.2025 | 18:09
Կառավարությունը գրավոր ընթացակարգով հաստատել է առողջության համընդհանուր ապահովագրության ներդրման փաթեթը․ հայտնում են ՀՀ ԱՆ-ից։
«Կառավարությունն այսօր հավանություն է տվել առողջության համընդհանուր ապահովագրության ներդրման վերաբերյալ օրենսդրական փաթեթին: Այն արդեն ուղղարկվել է Ազգային ժողով անհետաձգելի ընթացակարգով քննարկման համար:
Ովքե՞ր առաջին փուլով կներառվեն ապահովագրության համակարգում
մինչև 18 տարեկան երեխաները 65 և բարձր տարիքին անձինք հաշմանդամություն ունեցող քաղաքացիները սոցիալական աջակցության համակարգում նպաստառու անձինք 200 հազար դրամից ավել աշխատավարձ ստացող անձինք: Ո՞ւմ ապահովագրավճարը 100 տոկոսով կվճարի պետությունը
մինչև 18 տարեկան երեխաների 65 և բարձր տարիքին անձանց հաշմանդամություն ունեցող քաղաքացիների սոցիալական աջակցության համակարգում նպաստառու անձանց
200 հազարից մինչև 1 մլն դրամ աշխատավարձ ստացողների համար ապահովագրավճարի ազդեցությունը մեղմելու նպատակով նախատեսվում է նրանց կողմից «Զինապահ» հիմնադրամին ուղղվող 5500 դրամից միայն 1000 դրամն ուղղել այդ հիմնադրամին, մնացած 4500 դրամը կհատկացվի տվյալ քաղաքացու ապահովագրավճարին` ուղղվելով ապահովագրության հիմնադրամին:
Բացի այդ հայտարարագիր լրացրած 200-500 հազար դրամ ամսական աշխատավարձ ստացող անձինք հնարավորություն կստանան արդեն իսկ 2026 թվականին իրենց վճարած եկամտահարկից հետ ստանալ ամսական 6000 դրամը, իսկ 500 հազար դրամից ավել աշխատավարձ ստացողները` ամսական 4000 դրամ:
Ի՞նչ բուժծառայություններ են ներառվելու ապահովագրական փաթեթում
Սքրինինգային հետազոտություններ ախտորոշիչ հետազոտություններ դեղերի փոխհատուցում ԱԱՊ օղակում նորագույն ծառայություններԻնչպես նաև պաշտոնական վիճակագրությամբ Հայաստանի Հանրապետությունում բնակչության համար հիվանդությունների, մահացության և հաշմանդամության հիմնական պատճառ հանդիսացող հիվանդությունների և վիճակների կանխարգելման, բուժման և շարունակական հսկողության նպատակով Հայաստանի Հանրապետության տարածքում հասանելի բժշկական օգնության և սպասարկման ծառայությունները, այդ թվում նաև հսկայական ծախսեր պահանջող ծառայությունները:
Որքա՞ն կարժենա ապահովագրության փաթեթը
ամսական` 10 800 դրամ տարեկան` 129.600 դրամԿստեղծվի Առողջության համընդհանուր ապահովագրության հիմնադրամի, որը հանդիսանալու է պետության կողմից հիմնադրված ոչ առևտրային կազմակերպություն:
Նախատեսվում է, որ ապահովագրությունն ամբողջությամբ կներդրվի մինչև 2029 թվականը:
Անցումային շրջանում Առողջության համընդհանուր ապահովագրությունում չներառված անձանց համար Կառավարությունը կսահմանի ծառայությունների նվազագույն ծավալ, ինչը երաշխավորում է պետության կողմից յուրաքանչյուրի առողջության պահպանման իրավունքի ապահովման ստանձնած պարտավորության իրականացումը»,- ասված է հաղորդագրությունում։
