28.04.2026 | 18:44
Ուկրաինա-Իսրայել սկանդալը թափ է հավաքում. Զելենսկին կոշտ հայտարարություն է արել Իսրայելի հասցեին
Թուրքական կործանված ռազմական ինքնաթիռում գտնվող բոլոր 20 զինծառայողները զոհվել են․ Թուրքիայի ՊՆ
Քաղաքականություն
12.11.2025 | 10:36
Թուրքիայի ՊՆ-ն հայտնել է, որ Ադրբեջան-Վրաստան սահմանին C130 ռազմական բեռնատար ինքնաթիռի վթարի հետևանքով զոհվել է 20 զինծառայող, փոխանցում է TRT Haber-ը։
Ավելի վաղ գերատեսչությունը հայտնել էր, որ ինքնաթիռում 20 մարդ է եղել։
Թուրքիայի պաշտպանության նախարարությունը սոցիալական ցանցերում հրապարակել է նաև ինքնաթիռի վթարի հետևանքով զոհված 20 զինծառայողների ինքնությունը։
«Մեր զինակիցները նահատակվել են 2025 թվականի նոյեմբերի 11-ին, երբ մեր C-130 ռազմական բեռնատար ինքնաթիռը, որն Ադրբեջանից մեկնել էր մեր երկիր, վթարի է ենթարկվել Վրաստան-Ադրբեջան սահմանին»,- ասվում է Թուրքիայի պաշտպանության նախարար Յաշար Գյուլերի ցավակցական ուղերձում։
Վթարի հետևանքով զոհված զինծառայողներն են՝ օդաչուներ Գյոքհան Քորքմազը, Սերդար Ուսլուն, Նիհատ Իլգենը, Ջյունեյթ Քանդեմիրը, օդանավերի սպասարկման մասնագետ Էմրե Մերջանը, սպասարկման գլխավոր մասնագետներ Նուրի Օզջանը, Ումիթ Ինջեն, տեխնիկական սպասարկման անձնակազմի աշխատակիցներ Համդի Արմաղան Կապլանը, Բուրակ Օզքանը, Իլքեր Այքութը, Աքըն Քաարաքուսը, Էմրահ Քուրանը, Ռամազան Յաղըզը, Էմրե Ալթըոքը, Բուրակ Իբբիղին, Բերքայ Կարաչան, Իլհան Օնգանը, ավիափոխադրումների մասնագետներ Ահմեթ Յասիր Քույուջուն, Ջեմ Դոլափչին, Էմրե Սայընը։
Թարգմանությունը՝ Էմմա Չոբանյանի
