09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՌԴ-ի կողմից հետախուզվող Վրաստանի քաղաքացին չի արտահանձնվի. նա ՀՀ-ում կալանքից ազատ է արձակվել
Քաղաքականություն
08.10.2025 | 23:22
ՌԴ-ի կողմից հետախուզվող Վրաստանի քաղաքացի 29-ամյա Գիորգի Կինոիանին 36 օր կալանքի տակ գտնվելուց հետո ազատ է արձակվել։ Այս մասին տեղեկացնում է Հելսինկյան քաղաքացիական ասամբլեայի Վանաձորի գրասենյակի փաստաբան, Կինոիանիի պաշտպան Անի Չատինյանը։
«Այս պայքարն անսովոր էր, անսովոր այնքանով, որ Կինոիանին լինելով Վրաստանի Հանրապետության քաղաքացի, հետախուզվում էր ոչ ժողովրդավար Ռուսաստանի Դաշնության կողմից՝ «Դոնեցկի ժողովրդավար Հանրապետություն» ինքնահռչակ միավորման դատարանի դատավճռի հիման վրա։ ՀՔԱ Վանաձորի գրասենյակը իրավունքի պաշտպանության շրջանակներում ձեռնարկել է բոլոր հնարավոր միջոցները՝ ընդհուպ դիմում է ներկայացվել Մարդու իրավունքների եվրոպական դատարան։ Այսօր արդեն 36 օր անազատության մեջ մնալուց հետո Գ․ Կինոիանին ազատ արձակվեց՝ չվերադարձելիության կոնվենցիոն սկզբունքի կիրառման արդյունքում»,- նշել է Չատինյանը։
Վրացուն ՀՀ-ում ձերբակալել են Դոնեցկի դատարանի վճռով․ արդյոք Երևանը նրան կհանձնի Մոսկվային․ ՏԵՍԱՆՅՈՒԹ
Հիշեցնենք՝ Գիորգի Կինոիանին սեպտեմբերի 3-ին հայ-վրացական սահմանին ձերբակալվել էր ԱՊՀ Քիշնևյան կոնվենցիայի հիման վրա, իսկ 3 օր անց, դատավոր Լուսինե Սեփխանյանի որոշմամբ, 40 օրով ժամանակավոր կալանավորել։ Նա Ռուսաստանի Դաշնության կողմից հետախուզվում է վարձկանության մեղադրանքով։
Ռոզա Վարդանյան
