Հասարակություն
29.09.2025 | 15:47
Շուրջ երեք օր փակ մնալուց հետո գարեջրի «Կիլիկիա» գործարանն այսօր վերսկսել է իր գործունեությունը։ Ինչպես FactorTV-ին հայտնեցին Քննչական կոմիտեից՝ ուրբաթ օրը ՀՀ քննչական կոմիտեի ՊԵԿ քննչական վարչությունը քննչական գործողություններ է իրականացրել այնտեղ.
«2022 թվականին նախաձեռնված քրեական վարույթ է: Գտնվում է նախաքննության փուլում: Կատարվել են քննչական գործողություններ: Տնտեսվարողին թույլատրվել է շարունակել գործունեությունը»,- տեղեկացրեց ՔԿ մամուլի քարտուղար Կիմա Ավդալյանը։
Նշենք՝ վարույթը նախաձեռնվել է առանձնապես խոշոր չափերով հարկեր, տուրքեր չվճարելու հոդվածի հատկանիշներով։
«Կիլիկիա» գործարանի սեփականատերն ԱԺ նախկին պատգամավոր Հակոբ Հակոբյանն է։
Ռոզա Վարդանյան
