Թուրքական էժան լոլիկը, որը մտնում է ԵՏՄ, կարո՞ղ ենք դրա վրա տուրք դնել․ պատգամավորը՝ Պապոյանին․ ՏԵՍԱՆՅՈՒԹ

ԱԺ տարածաշրջանային և եվրասիական ինտեգրման հարցերի մշտական հանձնաժողովի նիստում Էկոնոմիկայի նախարար Գևորգ Պապոյանը ներկայացրեց ԵՏՄ-ում հատուկ պաշտպանական, հակագնագցման և փոխհատուցման միջոցների կիրառման մեխանիզմների կատարելագործմանն ուղղված արձանագրության քննարկումը։

Նախարարը պարզաբանեց, որ 2014 թ. մայիսի 29-ի պայմանագրում կա հակագնագցման կամ դեմպինգի և փոխհատուցման միջոցների մասին հատուկ կետ: Ըստ այդմ՝ եթե որևէ երկրից ԵՏՄ տարածք է մտնում այնպիսի ապրանք, որը շատ ցածր գին ունի և դեմպինգային հնարավորություն է ստեղծում, ապա եթե 25 տոկոս մասնաբաժին ունեցող երկիրը կամ 25 տոկոս մասնաբաժին ունեցող կազմը որևէ երկրի միջոցով դեմպինգի ռիսկ պարունակելու վերաբերյալ դիրքորոշում է հայտնում, ապա դա լրացուցիչ առաջարկի հնարավորություն է տալիս՝ որոշակի չափով տուրք սահմանելու կոնկրետ երկրից ներմուծվող որոշակի ապրանքատեսակի համար:

«Առաջարկվող նոր կանոնով նախորդ կանոնակարգումը պահպանվում է, բայց եթե որեւէ անդամ երկիր իրեն բացառելու հայտ ներկայացնի, ապա իրեն կարող են բացառել, սակայն մյուս երկրների պարագայում կանոնը կարող է գործել: Օրինակ, իքս ապրանքի գծով Ռուսաստանը կամ Բելառուսը կարող են ասել՝ ինձ բացառեք, այդ դեպքում այդ կանոնը մյուս անդամ երկրների համար կգործի: Սա կանոնից բացառության հնարավորություն է»,- բացատրեց նախարարը։

ՔՊ պատգամավոր Շիրակ Թորոսյանը հարց բարձրացրեց, թե նոր կարագավորման համաձայն՝ կարո՞ղ ենք տուրք սահմանել, երբ թուրքական էժան լոլիկը մտնում է ԵՏՄ տարածք։

Մանրամասները՝ տեսանյութում։

Մանյա Պողոսյան