25.08.2026 | 19:34
Աննա Գրիգորյանը պատասխանեց Փաշինյանի հայտարարություններին. ՏԵՍԱՆՅՈՒԹ
Մերձավանի սպանությունների գործով երկրորդ անձն է կալանավորվել
Հասարակություն
28.09.2025 | 23:30
Մերձավանում տեղի ունեցած սպանությունների դեպքի առթիվ նախաձեռնված քրեական վարույթի նախաքննության ընթացքում երեկ ձերբակալված անձը կալանավորվեց. դատարանը բավարարել է նրա նկատմամբ կալանքը որպես խափանման միջոց կիրառելու վերաբերյալ միջնորդությունը:
Հիշեցնենք՝ այսօր Քննչական կոմիտեն հաղորդագրություն էր տարածել, նշելով՝ երեկ շարունակելով ՆԳՆ աշխատակիցների կողմից հանցագործության ամբողջական բացահայտման ուղղությամբ ձեռնարկված օպերատիվ-հետախուզական միջոցառումները՝ պարզվել և բացահայտվել է նաև առերևույթ սպանություն կատարած՝ խմբի մյուս անդամ հանդիսացող անձի ինքնությունը, ով ձերբակալվել և ներկայացվել է նախաքննություն իրականացնող մարմին։
«Վերջինս տվել է ինքնախոստովանական ցուցմունքներ և մատնանշել հանցագործության գործիք հանդիսացող ինքնաձիգի գտնվելու վայրը: Քննիչի կողմից առգրավվել է նաև հանցագործության գործիք հանդիսացող ինքնաձիգը: Սպանություն կատարած անձի նկատմամբ հարուցվել է հանրային քրեական հետապնդում՝ Քրեական օրենսգրքի 155-րդ հոդվածի 1-ին մասով (2 դրվագ) (սպանությունը), 44-155-րդ 1-ին մասով (սպանության փորձը), 335-րդ հոդվածի 1-ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը)»,- նշվում էր հաղորդագրության մեջ։
Հիշեցնենք՝ ավելի վաղ կալանավորվել էր նաև երկու օր առաջ ձերբակալված անձը։
Ռոզա Վարդանյան
