14.09.2026 | 17:22
Շոտլանդիայի, Ուելսի և Հյուսիսային Իռլանդիայի առաջնորդները Միացյալ Թագավորությունից անկախանալու մասին փոխըմռնման հուշագիրը
Մերձավանի սպանության դեպքով կա ձերբակալված անձ․ ՆԳՆ ոստիկանապետի տեղակալը մանրամասներ է հայտնել
Հասարակություն
26.09.2025 | 17:42
Մերձավանի սպանության դեպքով կա ձերբակալված անձ: Այս մասին 24news.am-ի հետ հարցազրույցում ասել է ՀՀ ոստիկանության ՔՈԳՎ պետ, ՆԳՆ ոստիկանության պետի տեղակալ Վարդան Վարդանյանը։
«Մերձավանում տեղի ունեցած միջադեպի մասով իրականացվում են խուզարկություններ, բազմաթիվ օպերատիվ հետախուզական, քննչական միջոցառումներ։ Կա ձերբակալված անձ։ Դեպքը կապված է միջանձնային հարաբերությունների հետ և, ըստ էության, փետրվարյան դեպքերի շարունակությունն է»,- ընդգծել է Վարդան Վարդանյանը՝ բացառելով քաղաքական կապը։
Նշենք, որ մամուլը գրում է, որ իրավապահները խուզարկում են կասկածյալ Նարեկ Օհանյանի տունը, որը Մերձավանի նախկին համայնքապետ, ՔՊ-ական Մհեր Ախտոյանի հորաքրոջ որդին է, այս տարվա փետրվարին Մերձավանում սպանված Գրիգոր Օհանյանի եղբայրը:
Արփի Հակոբյան
