19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Փաշինյանը կմասնակցի ՄԱԿ-ի Գլխավոր ասամբլեայի 80-րդ նստաշրջանի աշխատանքներին
Քաղաքականություն
26.09.2025 | 13:29
Վարչապետ Նիկոլ Փաշինյանը սեպտեմբերի 26-27-ը աշխատանքային այցով կգտնվի Ամերիկայի Միացյալ Նահանգներում։ Այս մասին հայտնել է վարչապետի մամուլի քարտուղար Նազելի Բաղդասարյանը։
Նյու Յորքում ՀՀ վարչապետը կմասնակցի ՄԱԿ-ի Գլխավոր ասամբլեայի 80-րդ նստաշրջանի աշխատանքներին և հանդես կգա նստաշրջանի բարձրաստիճան քննարկումների հատվածում։
Հաղորդվում է, որ այցի շրջանակում նախատեսվում է նաև Փաշինյանի հանդիպումը ՄԱԿ-ի գլխավոր քարտուղար Անտոնիու Գուտերեշի հետ։
Ավելի վաղ Նիկոլ Փաշինյանը տեսանյութ էր հրապարակել՝ տեղեկացնելով, որ Մոսկվայից Նյու Յորք է մեկնում։
Հիշեցնենք, որ Նիկոլ Փաշինյանը Մոսկվայում մասնակցում էր «Համաշխարհային ատոմային շաբաթ» խորագրով համաժողովին:
Նյու Յորքում ընթանում է ՄԱԿ-ի Գլխավոր ասամբլեայի 80-րդ նստաշրջանը։ Այն մեկնարկել է սեպտեմբերի 22-ին ու կտևի, մինչև սեպտեմբերի 30-ը։
