15.02.2026 | 17:00
Վենեսուելայում գործողության ժամանակ ԱՄՆ-ն օգտագործել է Claude չաթբոտը. WSJ
ՀՀ-ի հետ հարաբերությունների կարգավորման գործընթացն ընթանում է իր հունով. Էրդողանը՝ ՄԱԿ-ի ամբիոնից
Քաղաքականություն
23.09.2025 | 21:21
Մենք ի սկզբանե խրախուսել ենք Ադրբեջանին և Հայաստանին խաղաղություն հաստատելու հարցում։ Այս մասին հայտարարել է Թուրքիայի նախագահ Ռեջեփ Թայիփ Էրդողանը ՄԱԿ-ի Գլխավոր վեհաժողովի 80-րդ նստաշրջանի շրջանակում ունեցած ելույթում։
«Մենք ուրախ ենք, որ օգոստոսի 8-ին երկու երկրների միջև ձեռնարկվեցին քայլեր՝ ուղղված կայուն խաղաղության հաստատմանը: Ես կրկին շնորհավորում եմ Ադրբեջանի նախագահ պարոն Ալիևին, Հայաստանի վարչապետ պարոն Փաշինյանին և ԱՄՆ նախագահ պարոն Թրամփին՝ գործընթացում ունեցած ներդրման համար»,- ասել է Էրդողանը։
Նա անդրադարձել է նաև Հայաստան-Թուրքիա հարաբերությունների կարգավորման գործընթացին։
«Այս առիթով կցանկանայի նշել, որ մեր երկրի և Հայաստանի միջև հարաբերությունների կարգավորման գործընթացն ընթանում է իր հունով»,- հայտարարել է Թուրքիայի նախագահը։
Թարգմանությունը՝ Էմմա Չոբանյանի
