09.10.2026 | 15:02
Հայտնի է «եկեղեցու շուրջ ճգնաժամն» ուսումնասիրող քննիչ հանձնաժողովի կազմը
Բանավեճի գալու՞ եք, թե ոչ. վարչապետը՝ ՀՀ նախկին նախագահներին
Քաղաքականություն
22.09.2025 | 21:34
ՀՀ վարչապետ Նիկոլ Փաշինյանը գրառում է կատարել ֆեյսբուքյան իր էջում՝ կրկին բանավեճի հրավիրելով ՀՀ նախկին նախագահներին։
«Երբ ժողովուրդը ուրախ է, բանավեճից փախչող հայտնի եռյակը տխուր է։ Հիմա ժողովուրդը ուրախ է, որ խաղաղություն է, որ զինվոր չի զոհվում։
Իսկ բանավեճից փախչող եռյակը դրանից ընկճախտի մեջ է հայտնվել։ Զոհերի իրական թիվը նրանց բավարար չէ եւ առիթը բաց չեն թողնում զոհերի իրենց երազած թվերը բարձրաձայնելու, մանավանդ որ «թարսի պես» այդ թիվը չի ավելանում։
Հիմա էն ասեք, բանավեճի գալու՞ եք, թե ոչ»,- գրել է նա։
Հիշեցնենք՝ ՀՀ վարչապետ Նիկոլ Փաշինյանը, անդրադառնալով բանակցային գործընթացի վերաբերյալ արված իր գրառման արձագանքին, նշել էր՝ պատրաստ է նախկին նախագահների հետ ուղիղ եթերում բանավեճի ֆորմատով հիմնավորել ասածները։ ՀՀ առաջին, երկրորդ և երրորդ նախագահների գրասենյակները ի պատասխան հանդես էին եկել հայտարարություններով՝ մերժելով բանավեճի հրավերը։ Դրանից հետո Փաշինյանը դիմել էր ՀՀ նախկին նախագահներին՝ կրկին հրավիրելով բանավեճի, այդ առաջարկը ևս մերժվել էր։
