Քաղաքականություն
22.09.2025 | 18:12
Թուրքիայում՝ Անթալիայի Դեմրե շրջանում գտնվող մրգի և բանջարեղենի մեծածախ շուկայում պայթյուն է տեղի ունեցել։ Մեկ մարդ զոհվել է, երեքը՝ վիրավորվել, հայտնում են թուրքական լրատվամիջոցները։
Նշվում է, որ ժամը 15:00-ի սահմաններում Դեմրեի մեծածախ շուկայում անհայտ պատճառով պայթյուն է տեղի ունեցել։ Կոտրվել են շուկայի պատերը, շրջակա տարածք են թափվել բազմաթիվ աղյուսներ և բետոնե բեկորներ։
Միաժամանակ, Անադոլու գործակալությունը հաղորդում է, որ չորս մարդ վիրավորվել է, DHA-ն իր հերթին հաղորդում է մեկ զոհի մասին։
«Մենք տեղեկություն ենք ստացել, որ մեկ մարդ մահացել է, սակայն դա դեռևս հստակ չէ»,- հայտարարել է Անթալիայի մեծածախ առևտրի գործակալների ասոցիացիայի նախագահ Նևզաթ Աքջանը։
Աշխատանքներ են տարվում պայթյունի պատճառը պարզելու համար։
Թարգմանությունը՝ Էմմա Չոբանյանի
